Maraqlı

Buzlu avtomobil şüşəsinə əsla isti su tökməyin! Bu üsulla buz dərhal əriyəcək

29 Noyabr 2025 07:07

Baxış: 267

VTB-də minimal faiz dərəcəsi ilə nağd kredit 10.49%-dən

#MARAQLI

Qış səhərlərində avtomobilinizin şüşəsinin buz bağlaması ilə tez-tez qarşılaşa bilərsiniz. Bir çox sürücünün ilk düşündüyü üsul buzun üzərinə isti su tökmək olur. Ancaq mütəxəssislər xəbərdarlıq edir ki, bu üsul son dərəcə təhlükəlidir və şüşədə geri dönüşü olmayan zədələr yarada bilər. Şüşədəki ani temperatur fərqi onun çatlamasına, hətta tamamilə sınmasına səbəb ola bilər. Xoşbəxtlikdən, evdə hazırlanacaq təbii qarışıqlarla buzu saniyələr içində təhlükəsiz şəkildə əridə bilərsiniz.

Milli.Az xəbər verir ki, şüşədəki buzu aradan qaldırmaq üçün ev şəraitində hazırlanan sadə qarışıqlar kifayət qədər təsirlidir. Sirkə və suyu qarışdırıb sprey qabına dolduraraq buzlu şüşəyə sıxa bilərsiniz. Sirkə buzun ərimə prosesini sürətləndirir və eyni zamanda şüşənin yenidən buzlamasını gecikdirir.

Digər effektiv üsullardan biri də duzlu sudur. Duz suyun donma nöqtəsini aşağı saldığı üçün buzun əriməsini asanlaşdırır. İlıq suya bir qədər duz əlavə edib sprey şüşəsi ilə şüşəyə tətbiq etdikdə buzun qısa müddətdə əridiyini görə bilərsiniz. Bu üsul həm praktik, həm də sərfəlidir.

Şüşədəki buzu aradan qaldırmaq üçün alkoqollu qarışıqlardan da istifadə etmək mümkündür. Odekalon (kolonya) və ya izopropil spirti su ilə qarışdırılaraq buz tutmuş şüşəyə vurulduqda buz sürətlə əriməyə başlayır. Alkoqolun donma nöqtəsinin aşağı olması bu prosesi daha da sürətləndirir və şüşə səthində qoruyucu təsir yaradır.

Lalə Qüdrətova
Milli.Az