Maraqlı

Çinli alimlər “görünməyəni göstərən” linzalar hazırladı

27 May 2025 02:02

Baxış: 1 128

VTB-də minimal faiz dərəcəsi ilə nağd kredit 9.9%-dən

#MARAQLI

Çinli tədqiqatçılar texnologiya və biotibbin kəsişməsində maraqlı bir yeniliyə imza atıblar. Alimlər tərəfindən hazırlanmış kontakt linzalar, qaranlıqda görmək üçün yeni imkanlar yaradır.

Milli.Az xəbər verir ki, innovativ linzalar insan gözünün tanıya bilmədiyi infraqırmızı işığı görünən işığa çevirərək istifadəçiyə ətrafda baş verənləri sanki gecə görmə cihazı kimi izləməyə imkan verir.

Ən diqqətçəkən məqam isə bu texnologiyanın göz qapaqları bağlı vəziyyətdə belə işləməsidir. Alimlərin sözlərinə görə, infraqırmızı şüalar göz qapağından keçərək linzalar vasitəsilə görüntü yarada bilir. Bu isə qaranlıqda belə vizual məlumat almağa şərait yaradır.

İlk sınaqlar siçanlar üzərində aparılıb. Təcrübələr zamanı heyvanların infraqırmızı şüalanmanın olduğu bölgələrdən uzaqlaşıb daha qaranlıq sahələrə keçdiyi müşahidə olunub. Bu isə onların infraqırmızı siqnalları görə bildiklərini sübut edib.

Növbəti mərhələdə 10 könüllü insan üzərində testlər həyata keçirilib. Onlar infraqırmızı LED mənbələrinin mövqeyini düzgün müəyyən edərək linzaların effektivliyini təsdiqləyiblər.

Hazırda bu texnologiyanın gələcəkdə hərbi, tibbi və təhlükəsizlik sahələrində istifadəsi perspektivləri müzakirə olunur.

Asya
Milli.Az