Maraqlı

Bu qan qrupundan olanlara XƏBƏRDARLIQ

16 May 2025 16:30

Baxış: 1 323

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #XƏSTƏLİK

Yeni araşdırmaya görə, AB qan qrupu olan insanların "Alzheimer" xəstəliyinə tutulma riski digər qan qruplarına sahib olanlara nisbətən yüzdə 82 daha yüksəkdir.

Milli.Az xəbər verir ki, "Diariouno.com" saytının məlumatına görə, yeni araşdırma müəyyən qan qruplarına malik insanların Alzheimer kimi neyrodegenerativ xəstəliklərə daha çox meylli ola biləcəyini göstərib.

Bəs, hansı qan qrupu bu xəstəliklərə daha çox həssasdır?

Araşdırmaya görə, dünya əhalisinin ən nadir qan qruplarından biri olan AB qan qrupu olan insanlarda "Alzheimer" və digər koqnitiv problemlərin inkişaf riski daha yüksəkdir. Tədqiqatda yaşı 65 və daha yuxarı olan 1200-dən çox iştirakçının məlumatları araşdırılıb. Nəticələr AB qan qrupu olan insanların yaddaş və düşüncə problemləri yaşama riskinin digər qan qruplarına sahib olanlara nisbətən 82 faiz daha yüksək olduğunu ortaya qoyub.

AB qan qrupu olan insanlarda "Alzheimer"in ilkin əlamətlərindən biri olan yüngül koqnitiv pozğunluq (MCI) yaşama riskinin əhəmiyyətli dərəcədə yüksək olduğu aşkar edilmişdir. Tədqiqatçılar bu əlaqəni AB qan qrupu olan şəxslərdə daha yüksək səviyyədə olan Faktor VIII adlı laxtalanma faktoru ilə əlaqələndirirlər. Bu amilin beyin qan axınına təsir edərək uzun müddətdə idrak sağlamlığına mənfi təsir göstərə biləcəyi düşünülür.

AB qan qrupu ən yüksək risk daşısa da, digər qan növləri də beyin sağlamlığına təsir göstərə bilər:

Tip 0: Bu qan qrupunun ürək xəstəliyi riski daha azdır və bəzi tədqiqatlar Alzheimer riskinin də daha az olduğunu göstərir.

A və B növləri: Bu orta riskli qruplar üçün məlumatlar qəti olmasa da, bəzi tədqiqatlar bu qrupların idrak sağlamlıq problemlərinə daha çox meylli ola biləcəyini göstərir.

Fidan
Milli.Az

Milli.Az - Xəbər Portalı

Bu qan qrupundan olanlara XƏBƏRDARLIQ

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?