Maraqlı

Günün bu saatları insanlar daha xoşbəxt olur – ARAŞDIRMA

16 Fevral 2025 15:03
Baxış: 1 633
VTB-də minimal faiz dərəcəsi ilə nağd kredit 9.9%-dən
#MARAQLI #CƏMİYYƏT #SAĞLAMLIQ #ARAŞDIRMA

London Universitet Kollecinin tədqiqatçıları iki il ərzində təxminən 50.000 insana psixi sağlamlıqları və xoşbəxtlikləri ilə bağlı suallar göndəriblər. 

Milli.Az xarici mətbuata istinadla bildirir ki, indi onlar 1 milyon cavaba baxıb və insanların günün hansı saatlarında özünü daha yaxşı hiss etdiyini öyrəniblər.

Araşdırmanın nəticələri göstərir ki, insanlar səhərlər, ümumiyyətlə, daha xoşbəxt və daha yaxşı ruhi sağlamlığa malikdirlər. Cavablara əsasən, günün ən pis vaxtı gecə yarısıdır.

Davranış və sağlamlıq elmləri departamentindən aparıcı müəllif doktor Feyfey Bu deyib: "Nəticələrimiz göstərir ki, insanların psixi sağlamlığı və rifahı orta hesabla səhər ən yaxşı, gecə yarısı isə pis olur. Bu tapıntılar maraqlı olsa da, digər araşdırmalarda sınaqdan keçirilməlidir".

Əhəmiyyətli olan odur ki, respondentlərdən günün hansı saatında özlərini ən yaxşı hiss etdikləri soruşulmayıb, onların əhval-ruhiyyəsi və psixi sağlamlıqları barədə soruşulub və araşdırmaçılar daha sonra cavabları insanların cavab verdiyi vaxtla əlaqələndiriblər.

Bundan əlavə, araşdırmaçılar 2020-ci ildən 2022-ci ilə qədər koronavirus pandemiyasının zirvəsinə qədər davam edən araşdırma ərzində xoşbəxtlik səviyyələrinin artdığını aşkar ediblər.

Araşdırma həmçinin müəyyən edib ki, xoşbəxtlik və həyatdan məmnunluq bazar ertəsi, çərşənbə axşamı və cümə günləri ən yüksək, bazar günü isə ən aşağı olur.(Lent.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.