Maraqlı

Filmə baxanda ağlayanlar daha tez ölürlər

23 Yanvar 2025 06:19

Baxış: 1 405

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #XƏSTƏLİK #FİLM

Araşdırmalara görə, film izləyərkən ağlayan insanların erkən ölmə riski daha yüksəkdir.

Milli.Az xəbər verir ki, Florida Dövlət Universitetinin apardığı genişmiqyaslı tədqiqat nəticələrinə əsasən, nevrotik davranış xüsusiyyətləri olan insanlarda erkən ölüm ehtimalı 10% çoxdur.

Mütəxəssislər bildirir ki, yalnızlıq hissi insanın həm psixoloji, həm də fiziki sağlamlığına ciddi təsir edir. Tənhalıq tənəffüs və həzm sisteminə mənfi təsir göstərir, əhval dəyişikliyi və depressiya ilə əlaqələndirilir.

Araşdırmalar göstərib ki, 54 yaşdan aşağı və ali təhsili olmayan kişilər arasında bu risk daha yüksəkdir. Nevrotiklik Alzheimer, Parkinson, insult və həzm problemləri kimi xəstəliklərin də göstəricisi ola bilər.

Tədqiqat qrupu 2006-2010-cu illər arasında UK Biobank məlumat bazasındakı 500 min nəfərin sağlamlıq və genetik göstəricilərini analiz edib. 17 il ərzində aparılan araşdırmada 43.400 nəfərin həyatını itirdiyi məlum olub. Ölüm səbəbləri arasında xərçəng və sinir sistemi xəstəlikləri ilk yerləri tutur.

Araşdırma sosial təcridin sağlamlığa ağır zərbə vurduğunu da ortaya qoyub.

Mütəxəssislər sosial əlaqələrin və psixoloji sağlamlığın qorunmasının erkən ölüm riskini azaltmağa kömək edə biləcəyini bildirirlər.

Fidan
Milli.Az