Özünümüalicə ilə məşğul olan qorillalar yeni müalicəvi bitki növlərini kəşf etməyə kömək edib

"İnsanabənzər meymunlar çox vaxt özünümüalicə ilə məşğul olur, müalicəvi xassələrə malik bitkilərlə qidalanır..."
 
Vəhşi təbiətdə Qərb düzənlik qorillaların populyasiyası 150 min fərddən çox deyil, bununla əlaqədar olaraq 2016-cı ildə bu yarımnöv Qırmızı Kitaba salınıb.
 
Milli.Az moderator.az-a istinadən xəbər verir ki, bu barədə "bbc.com" nəşri yazıb.
 
Qərbi Afrikada vəhşi qorillaların qida üçün istifadə etdiyi və yerli ənənəvi birliklərin həkimləri tərəfindən istifadə edilən tropik bitkiləri öyrənərək Qabon alimləri əvvəllər naməlum dərman xassələrinə malik olan ən azı dörd bitki növünü aşkar edib.
 
Laborator tədiqatlar göstərib ki, bu bitkilərin tərkibində xeyli miqdarda antioksidant, habelə mikroblarla uğurlu mübarizə aparmaq qabiliyyəti olan maddələr var.
 
Bu maddələrdən biri superbakteriya adlanan və antibiotiklərə davamlı olan bakteriyalarla mübarizə üçün öz səmərəliliyini nümayiş etdirib.
 
Qərb düzənlik qorillalları sıx meşələrdə yaşayır, saplaqlarla, bambuk və meyvə zoğları ilə qidalanır. Bəllidir ki, insanabənzər meymunlar çox vaxt özünümüalicə ilə məşğul olur, müalicəvi xassələrə malik bitkilərlə qidalanır.
 
Bu yaxınlarda dünya KİV-ləri yaralı oranqutanqın öz yaralarının daha tez sağalması üçün müalicəvi bitki pastasından istifadə etməsi barədə yazıb.
 
Son təqdiqatın gedişində alimlər əvvəlcə Qabondakı "Mukalaba-Dudu" milli parkında yaşayan Qərb düzənlik qorillalarının hansı bitkilərdən istifadə etməsini izləyib.
 
Daha sonra yerli xalq loğmanları (hilerlər) ilə danışaraq onlar tərtib edilən bitki siyahısından daha müfəssəl öyrənilməsi üçün dörd "perspektiv" növü seçib. Bunlar pambıq bitkisi (Ceiba pentandra), kroton bitkisinin yarımnövlərindən biri (Myrianthus arboreus), Afrika tiki (Milicia excelsa) və əncir ağacı (Ficus) olub.
 
Bu bitkilərin qabığında xalq təbabətində sonsuzluqdan mədə pozuntusunadək bir çox xəstəliklərdə istifadə edilən fenoldan flavanoidlərədək dərman təsirinə malik  kimyəvi maddələrin geniş spektri aşkar edilib. 
 
Bioloji rəngarənglik nöqteyi-nəzərdən Qabon potensial olaraq müalicəvi xassələrə malik öyrənilməyən bitki dəryasıdır. Seçilən bütün dörd növ bitki çoxsaylı dərmana davamlı olan bağırsaq ştammı- superbakteriyaların növlərindən biri ilə mübarizədə antibakterial fəallıq nümayiş etdirib.
 
Bu zaman tədqiqatda qeyd edilir ki, pambıq bitkisi bütün test edilən ştammlarla mübarizədə "çox gözəl təsir edib".
 
"Bu qorillaların təkamül prosesində fayda verən bitkiləri yeməyi öyrəndiyini və Mərkəzi Afrikanın tropik meşələrində bizim biliklərimizdə boşluqlar olduğunu göstərir", - bunu Böyük Britaniya Darem Universitetinin antropologiya üzrə professoru, Qabondan alimlər komandası ilə birlikdə tədqiqat üzərində işləyən Coanna Setçel deyib.

Milli.Az
​Xəbərlərimizi WhatsApp kanalımızdan da oxuyun