Maraqlı

Everest zirvəsini fəth edən ən sürətli qadın: Nepal sakini rekord vurdu - FOTOlar

24 May 2024 01:13
Baxış: 393
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Nepallı alpinist qadın Pxundjo Djxanqmu Lama Everest zirvəsini fəth edən ən sürətli qadın olaraq dünya rekordu vurub.

Bu məqsədə çatmaq üçün ona 14 saat 31 dəqiqə lazım olub. Alpinist mayın 22-də saat 15:52-də zirvəyə qalxmağa başlayıb və ertəsi gün saat 06:23-də zirvəyə çatıb.

"Mən zirvəyə qalxmağımı qadınların hüquq və səlahiyyətlərinin artırılmasına, dağ ətraf mühitinin qorunmasına və bütün dünyada sülhə həsr etmək istəyirəm", - deyə o bildirib.

Qeyd edək ki, bu, Pxundjo Djxanqmu Lamanın Everestin zirvəsinə qalxmaq üçün ilk cəhdi deyil. 2018-ci ildə o, Everesti 39 saat 6 dəqiqəyə fəth edib.

Kişilər arasında Everestə ən sürətli qalxma rekordu isə Nepaldan olan Pemba Dordjeyə məxsusdur. O, 2004-cü ildə dünyanın ən yüksək zirvəsini 8 saat 10 dəqiqəyə fəth edib.

Milli.Az
​Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.