Maraqlı

Nuh peyğəmbər əslində nə qədər yaşayıb?

18 Fevral 2023 22:20
Baxış: 1 553
VTB-də minimal faiz dərəcəsi ilə nağd kredit 9.9%-dən
#DİN

Sual: Nuh peyğəmbər əslində nə qədər yaşayıb? Bildiyiniz kimi bu məsələ mübahisəlidir. Ayədə belə deyilir: "50 ili çıxılmaqla aralarında 1000 il qaldı". Buradan belə çıxır ki, Nuh peyğəmbər 950 il yaşayıb. Amma bir tədqiqatçıdan eşitmişəm ki, Şumerlərin dövründə il məfhumu 1 aylıq vaxtı bildirmək üçün işlədilirmiş. Əgər belədirsə, 1000 ili mübaliğəli yox, normal bir ömür müddəti kimi qəbul etmək olar. Yəni, təxminən 83 və ya 84 il. Bir tərəfdən də bunu: "Allahın qanununda dəyişiklik tapa bilməzsən" ayəsi ilə birlikdə düşünəndə 950 illik bir ömür həqiqətən də, çox mübaliğəli görünür. Mən səhv fikirləşməkdən Allaha sığınıram. Görəsən, bu məsələdə düzgün variant nədir?

Cavab: Allah belə buyurur:

"Göyləri və yeri yaratdığı gündən bəri Allah yanında - Allahın kitabında ayların sayı 12-dir. Bunlardan 4-ü haram aylardır. Bu, düppədüz bir hesabdır. Nəbadə, özünüzü bu aylarda yanlış bir şeyə atasınız (səhvə yol verəsiniz). O müşriklər sizinlə necə savaşırlarsa, siz də onlarla elə savaşın. Bilin ki, Allah qorunanlarla bərabərdir" (Tövbə, 9/36).

Bu ayəyə əsasən dünya yaradıldığı gündən bəri 1 il 12 aydan ibarətdir. Başqa sözlə, Nuh peyğəmbərin yaşadığı müddət 950 ay deyil, ayədə açıq-aydın bir formada bildirildiyi kimi 950 ildir. Biz bu məsələdə Şumerlərə dair məlumatı yox, Allahın kəlamında deyilənləri nəzərə almalıyıq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.