Maraqlı

7 yaşlı uşağın timsahla mübarizəsi

16 Dekabr 2022 06:31
Baxış: 1 497
VTB-də minimal faiz dərəcəsi ilə nağd kredit 10.49%-dən

Malayziyanın Kota-Kinabalu şəhərində bir uşaq ayağından dişləyən timsahı təpikləyib və həyatını xilas edib.

Milli.Az bildirir ki, bu barədə "Newsweek" məlumat yayıb.

Adı açıqlanmayan yeddi yaşlı uşaq su anbarının sahilindəki evdə yaşayıb. Hadisə o, ev heyvanını axtarmağa gedən zaman baş verib. Bu zaman onun əmisi oğlu suda timsah görüb və yaxınlıqda yırtıcı olduğunu qışqırıb. Uşaq təhlükəsiz yerə qaçmağa çalışsa da, sürünən onun sağ ayağından tuta bilib.

Uşaq timsahı sərbəst qalan ayağı ilə təpikləyib. Sürünən ağzını açıb, bundan sonra uşaq ayağını çıxararaq qaçıb.

Yırtıcının hücumu nəticəsində uşağın ayağındakı sümük əzilib, dərisində dərin kəsiklər qalıb. Zərərçəkmiş müalicə üçün yaxınlıqdakı xəstəxanaya aparılıb. Polis qeyd edib ki, son iki ildə bu bölgədə timsahların insanlara hücumlarının sayı artıb.

İrfan Vəliyev
Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.