Maraqlı

Həkim pasienti yaddan çıxarıb 1 saat MRT aparatında saxladı - VİDEO

1 Dekabr 2025 14:45

Baxış: 551

VTB-də minimal faiz dərəcəsi ilə nağd kredit 10.49%-dən

#MARAQLI #HADİSƏ #VİDEO #TÜRKİYƏ #HƏKİM

Türkiyədə bir qadın dövlət xəstəxanasında MRT müayinəsi zamanı baş verən hadisə ilə bağlı təəssüratlarını bölüşüb.

Milli.Az-ın məlumatına görə, qadın bildirib ki, müayinənin baş tutacağı zaman həkimin köməkçisi ona "Yoxlama 10-15 dəqiqə çəkəcək, tərpənməyin" deyib. Lakin xeyli müddət keçməsinə baxmayaraq heç kim onun yanına gəlməyib.

Qadın yaşadıqlarını belə təsvir edib:

"Ürəyim sürətlə döyünməyə başladı, təlaşa düşdüm. Yumruqlarımla cihazın qapısına vurdum, amma səsimi yenə eşitmədilər. Əlim-ayağım titrəməyə başladı, ağladım. Sonra bir tərpənişlə sürünüb cihazın içindən çıxdım. Otağa baxanda heç kim yox idi. Saatıma baxanda gördüm ki, 1 saat 10 dəqiqə keçmişdi".

Hadisə qadının fiziki və mənəvi narahatlığı ilə yadda qalıb. Qadın bunun tibbi təhlükəsizlik və personalın diqqətsizliyi ilə bağlı ciddi problem olduğunu vurğulayıb.

Mütəxəssislər MRT müayinəsi zamanı personalın daima xəstəyə nəzarət etməsinin vacibliyini bildirirlər.

Hüseyn
Milli.Az