Maraqlı

Qızla görüşdən qaçdı, etirazlara qoşuldu və həbsxanaya düşdü

25 Noyabr 2022 20:50
Baxış: 520

ABŞ-ın Delaver ştatının sakini Tinder-də tanış olduğu qızla görüşdən qaçıb, birbaşa Kapitoliyə hücum edənlərə qoşulub, sonra isə dəmir barmaqlıqlar arxasında qalıb və böyük cəriməyə məhkum edilib.

Milli.Az bildirir ki, bu barədə "The Guardian" məlumat yayıb.

Ceffri Şafer Virciniya ştatının Aleksandriya şəhərində bir qızla onun evində olub və televizorda Kapitoliyə hücum xəbərini görüb. O, dərhal görüşdən qaçıb, taksiyə minib və etirazlarda iştirak etməyə gedib. Kapitoliyə çatan kişi sınmış pəncərədən binaya qalxıb. Şafer orada təxminən 28 dəqiqə keçirib. O, digər etirazçılarla birlikdə şüarlar səsləndirib və binanı tərk etməzdən əvvəl bir neçə foto və video çəkib. "Bu qeyri-realdır!" - kişi sosial şəbəkədə Kapitolinin qarşısında iğtişaşçılarla şəklini paylaşaraq yazıb.

Şafer 2022-ci il yanvarın 13-də həbs edilib. Avqustun 2-də o, Kapitoliy binasındakı nümayişlərdə iştirak etməkdə günahını etiraf edib. Bundan sonra ona qarşı daha üç ittiham ləğv edilib. Prokurorlar amerikalının Kapitoliyada keçirdiyi vaxtı kamera görüntüləri və sosial media paylaşımları əsasında müəyyən ediblər. Şafer 30 gün həbs cəzasına məhkum edilib və 2000 dollar cərimə edilib.

Məhkəmə zamanı Şaferin vəkili Coşua İnsli Donald Trampı tənqid edib, Şaferin manipulyasiyaya məruz qaldığını və 2020-ci il seçkilərinin nəticələrinin legitimliyi ilə bağlı yalanlara inandığını bildirib.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics