Maraqlı

Əhdin 3 növü. Əhdə vəfa etməyin vacibliyi barədə

6 Avqust 2022 19:55
0 Şərh     Baxış: 244

Əhdin 3 növü. Əhdə vəfa etməyin vacibliyi barədə

Müsəlmanın verdiyi əhdə vəfa etməsi - onun imanının nişanəsindən xəbər verir. İslam dininin nəzərinə görə, əhd üç dəstəyə bölünür:

1. Allahın bəndələri ilə bağladığı əhd.

2. İnsanların Allahla bağdıqları əhd.

3. İnsanların bir-biri ilə bağladıqları əhd.

1. Allahla bağlanan əhd. Bu əhd zərr aləmindən bağlamışdır. Zərr aləmi dünyadan qabaq olan dünyadır ki, burada insanların ruhu xəlq olar. Bu ruhlar idrak və şüura malik olarlar.

Allah Təala zərr aləmində olan ruhlardan əhd alır ki, Ona heç bir zaman şərik qoşmayacaqlar. Şeytanın (lən) ardıcılı olmayacaq və peyğəmbərlərinə (ə) itaət edəcəklər.

"Ey Adəm övladı, məgər Mən (peyğəmbərlər və öz ağlınız vasitəsilə) sizə buyurmadımmı ki: "Şeytana ibadət etməyin! Şübhəsiz, o sizin açıq-aşkar düşməninizdir?!"". ("Yasin" 60).

2. İnsanın Allahla bağladığı əhd. Hər kim Allahla əhd bağlayar və sonra əhdinə vəfa etməzsə - günah etmiş olar və dünyadan kafir gedər.

Əvvəl bağladığı əhddə Allaha iman gətirəcəyini və Ona şərik qoşmayacağını vəd edər, ancaq sonra bu əhdinə vəfasızlıq edər. Qurani-Kərim bu cür insanlar haqqında buyurur: "Beləliklə, elə ki, (Allah) Öz lütfündən onlara əta etdi, ona xəsislik etdilər və (qəlbən) dönük olaraq üz çevirdilər.

Odur ki, Allaha verdikləri vədə xilaf çıxdıqlarına və daim yalan danışdıqlarına görə, Allah Onunla görüşəcəkləri günə (Qiyamət gününə) kimi onların qəlblərinə bir nifaq saldı.

Məgər Allahın onların sirlərini və pıçıltılarını bilməsini, eləcə də Allahın bütün qeybləri və gizlinləri tam bilən olmasını bilmirdilər?". ("Tövbə" 76-78).

Hər kim əhdi pozarsa, nifaqa səbəb olar və bu nifaq onunla ölənə qədər qalar.

3. İnsanların insanlarla bağladığı əhd. İslam dini müsəlmanın başqa insanlarla bağladıqları əhdə xüsusi əhəmiyyət verir və buyurur ki, hər kim əhdinə vəfa etməzsə, dindən xaric olar.

"Və əhd-peymanınıza (istər Allahın sizlə olan əhd-peymanı olsun, istər sizin Allahla olan əhd-peymanınız, yaxud sizin özünüzün bir-birinizlə olan əhd-peymanınız) vəfa edin. Həqiqətən (Qiyamət günü) peymandan soruşulacaqdır (peyman sahibindən, ya canlandırılaraq peymanın özündən soruşacaqlar)". ("İsra" 34).

İmam Sadiq (ə) buyurur: "Möminin öz din qardaşına vədə verməsi - lazımlı nəzirdir".

Həzrət Peyğəmbər (s) buyurur: "Hər kim əhdinə vəfa etməz - dindar deyildir".

İmam Əli (ə) buyurur: "Əhdə vəfa etməmək - Allahın və insanların qəzəbinə səbəb olar".

Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics