Maraqlı

Medikamentoz mədə xorası - Hansı dərmanlar mədədə yara açır?

2 Avqust 2022 23:15
0 Şərh     Baxış: 575

Medikamentoz mədə xorası - bu, tez-tez rast gəlinən problemlərdən biridir.

Milli.Az medicina.az-a istinadən bildirir ki, bu xəstəlik dərman preparatlarının təsiri nəticəsində mədənin selikli qişasının zədələnməsi ilə müşahidə edilir. Bu cür patoloji proses dərman maddələrinin uzun müddətli qəbulundan sonra müşahidə edilə bilər. Buna görə də, ilkin əlamətləri müşahidə edən kimi yaxşı olardı ki, həkimə müraciət edəsiniz. Çox vaxt medikamentoz mədə xorası zamanı qanaxma yaransa belə, bu simptomsuz inkişaf edir.

Qanaxmadan əlavə, mədə divarının perforasiyası da meydana gələ bilər ki, bu da xəstənin sağlamlığı üçün çox təhlükəlidir. Çox zaman bu xəstəlik iltihabla müşayiət olunur. Medikamentoz mədə xorası tibbdə ciddi problemlərdən biridir. Bunun səbəbi isə bir çoxları tərəfindən xəstəliklər zamanı həkim təyinatı olmadan qeyri-steroid tərkibli dərmanları qəbul etmələridir.

Qeyd edək ki, bu cür problemlərlə tamamilə sağlam insanlar da qarşılaşa bilərlər.

Həmçinin də bir çox təzyiq dərmanlarının uzunmüddətli qəbulu da mədə xorasına səbəb olur.

Medikamentoz mədə xorası zamanı mədə şirəsinin turşuluğu artır və mədə seliyinin keyfiyyəti aşağı düşür.

Zərərli vərdişlər də iltihabəleyhinə qeyri-steroid tərkibli dərmanların mədə divarına təsirini artırır.

Medikamentoz mədə xorası zamanı, periodik ürəkbulanma, qusma, mədədə diskomfort, köpmə aid edilə bilər. Bəzən xəstə insan çəki itirir və buna əhəmiyyət vermir. Bu isə bir müddətdən sonra anoreksiya kimi özünü büruzə verir. Bu isə xəstənin həyatı üçün ciddi təhlükə yaradır.

Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics