Maraqlı

Onu təhdid edən xoruzu öldürdü, həbsxanaya düşdü

11 İyul 2022 18:52

0 Şərh Baxış: 1 458

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI

Amerikanın Florida ştatının Ceksonvil şəhərində qonşunun onu hədələyən xoruzunu çubuqla öldürən şəxs həbsxanaya düşüb.

Milli.Az bildirir ki, bu barədə Action News Jax telekanalının saytında məlumat verilib.

Qonşular Ceyms Niks və Ceyson Defelis dost idilər və Defelisin xoruzu Niksin ərazisinə gələnə qədər konfliktdə olmayıblar. Həmin gün kişi poçtu yoxlamaq üçün evdən çıxıb və qəribə səs eşidib. O dönüb və xoruz görüb.

Niksin onun ərazisinə soxulan quşdan xoşu gəlməyib və onu qovmaq üçün çubuğunu işə salıb. Lakin onun izah etdiyi kimi, xoruz qəfil kişinin üstünə cumub. Kişi özünü müdafiə etməyə başlayıb və xoruzun başına zərbələr endirib. Nəticədə xoruz yerindəcə ölüb.

Defelis quşun itdiyini evə qayıtdıqdan sonra aşkar edib. Kişi ev heyvanını axtarmaq qərarına gəlib və onu qonşusunun çəmənliyində tapıb. Gördüklərindən qəzəblənib və qışqırmağa başlayıb. Niks bunu görüb bayıra çıxıb və deyib ki, xoruzu o öldürüb. Sonra qonşudan getməsini xahiş edib.

Əsəbiləşən Defelis heyvanların müdafiə xidməti ilə əlaqə saxlayıb. Əməkdaşlar araşdırma apardıqdan sonra Niks heyvanlara qarşı amansızlıq etdiyi üçün 30 saatlıq həbsxanaya düşüb.

İrfan Vəliyev
Milli.Az