29 yaşlı motosiklet yarışçısı Mark Perslou Men adasında yarış zamanı qəzaya düşüb, həkimlər idmançının həyatını xilas edə bilməyiblər.
Qəza təsnifat mərhələsinin üçüncü raundunda baş verib. Milli.Az oxu.az-a istinadən xəbər verir ki, britaniyalı idmançı idarəetməni itirərək trasdan çıxıb. Bundan sonra Purslou ağır xəsarətlərlə xəstəxanaya çatdırılıb. Orada onu xilas etmək mümkün olmayıb.
Perslou 2017-ci ildə Men Qran-prisini qazanıb. O, karyerasında ikinci dəfə bu yarışa qatılmışdı.
Men adasındakı tras dünyanın ən çətin və təhlükəli yollarından biri hesab olunur. Ümumilikdə, 1907-ci ildən bəri orada keçirilən yarışlarda 250-dən çox insan həlak olub.
Milli.Az