Maraqlı

Xroniki xolisistitin instrumental müayinə metodları

21 May 2022 08:55
0 Şərh     Baxış: 1 373
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Xroniki xolisisititə diaqnoz qoymaq üçün ən çox USM və rentgenoloji metodlardan istifadə edilir.
Xəstəlik zamanı rentgenoloji müayinədə öd kisəsi və digər həzm orqanlarının çoxsaylı funksional və ya üzvi dəyişiklikləri müəyyən edilir.Öd kisəsinin kontrast müayinəsində (xolesistoqrafiya,xolangioqrafiya) aşağıdakılar müəyyən edilir:
- ödün konstentrasion qabiliyyəti
- hərəki funksiyanın pozğunluğu
- perixolisistitdə deformasiya
- öd axacağının qeyri-bərabər dolması
- öd kisəsinin qıvrılması
- öd kisəsində əyilmələr
Öd çıxarıcı yolların vəziyyətini,qara ciyərin udma-ifrazetmə funksiyasını öyrənmək üçün radioizotop metod tətbiq edilir.Daha dəqiq diaqnostika üçün onu çoxmomentli fraksion duodenal zondlama ilə birgə tətbiq edilir.
Öd kisəsi və öd axacaqlarının daha dəqiq öyrənilməsi üçün radiorentgenoxromodiaqnostik metod tətbiq edilir.Bunun mahiyyəti ondan ibarətdir ki,çoxmomentli zondlama və radioizotop müayinə ilə eyni vaxtda xolesistiqrafiya yerinə yetirilir.Bu müayinənin vasitəsilə öd kisəsinin yığılma qabiliyyəti,daşın olub-olmaması,öd kisəsi divarının qalınlığı təyin edilir.
Xroniki xolesistitdə çox vaxt öd kisəsi divarının qalınlaşması və sklerozlaşması,onun deformasiyası aşkar edilir.Öd kisəsinin müayinəsi zamanı USM-ə əks göstəriş yoxdur.USM xəstəliyin kəskin formasında,kontrast maddələrə qarşı həssaslıq olduqda,hamiləlikdə və ödçıxarıcı yolların pozğunluqlarında tətbiq oluna bilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.