Maraqlı

Konfet ağacı: Azərbaycanda hər kəsi təəccübləndirən bitki - VİDEO

23 Yanvar 2022 18:37
0 Şərh     Baxış: 2 472

Meyvəçilik və Çayçılıq Elmi-Tədqiqat İnstitutunun Göyçay dayaq məntəqəsinin elmi işcisi Firdovsi Əliyevin sözlərinə görə, 1936-cı ildə ölkəyə gətirilən bu ağaclardan Mərdəkan, Zaqatala, Lənkaran, eləcə də Göyçay rayonunda əkilib. İki il sonra ölkə ərazisində qeydə alınan güclü şaxta digər konfet ağaclarının quruması ilə nəticələnsə də, Göyçayda olan ağaclar bu təbiət hadisəsindən sağ qalmağı bacarıblar. Firdovsi Əliyev deyir ki, vətəni Cənub Şərqi Asiya olan konfet ağacları daha çox Yaponiya, Çin, Hindistan və Almaniyada becərilir. 20-30 metr hündürlüyü olan ağacın konfet dadı verən qəhvəyi rəngli meyvələri var. Qeyri-adi dadı və formasına görə o, heç bir meyvəyə oxşamır.

Tərkibində şəfaverici maddələrin çox olduğu konfet meyvəsindən bir sıra xəstəliklərin müalicəsində istifadə olunur. Çiçəyi nektarla zəngin olan, qəribə görkəminə görə seçilən meyvə maral buynuzuna bənzəyir. Meyvənin tərkibində 30-35 faiz şəkərin olması ona dünyada ən şirin bitki adını qazandırıb. O, qurudularaq müxtəlif tort və şirniyyatlarda bəzək kimi istifadə olunur. Ölkəmiz üçün nadir sayılan konfet ağaclarının mühafizəsi, qorunaraq gələcək nəsillərə çatdırılması, sayının artılması üçün müvafiq işlərin görülməsi vacib hesab edilir.

Milli.Az

40 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics