Maraqlı

Ən təhlükəli qida hansıdır?

4 Yanvar 2022 04:03
0 Şərh     Baxış: 1 549
VTB-də minimal faiz dərəcəsi ilə nağd kredit 10.49%-dən

Tərkibində yüksək xolesterin olan heyvan mənşəli məhsullar aqressiv bədxassəli şiş risklərini əhəmiyyətli dərəcədə artıra, onların inkişaf sürətini 100 dəfə qaldıra bilər.

ABŞ-ın Kaliforniya Universitetinin alimləri belə bir nəticəyə gəlib.

Bu haqda məqalə  "Cell Stem Cell" jurnalında dərc olunub.

Tədqiqatda  Lpcat3 fermentini kodlaşdıran genləri modifikasiya olunmuş siçanlardan istifadə olunub. Bu zülal hüceyrə membranını təşkil edən fosfolipid sintezinə nəzarət edir və onun kəsilməsi xolesterin səviyyəsini artırır. Məlum olub ki, xolesterin konsentrasiyasının artımı   bağırsaq toxumalarında kök hüceyrələrinin artımı və parçalanmasına xidmət edir.

Xaotik şəkildə çoxalmağa başlayan qüsurlu kök hüceyrələri, xərçəngin inkişafına yol açan əsas faktordur. Araşdırmaya görə, xolesterin təkcə yoğun bağırsaq hüceyrələrinin qalınlaşmasına  səbəb olmur, eyni zamanda, həmin toxumalarda şişlərin sürətli şəkildə inkişafına yol açır. Xolesterinin digər xərçəng formalarının inkişafına təsir edib etmədiyi  hələlik məlum deyil.

Yağlar və karbohidratlarla zəngin məhsullar orqanizmdə xolesterinin miqdarını artıra bilər. Müxtəlif xəstəliklərin profilaktikası üçün qidada  qırmızı ət və yağlı süd məhsullarından istifadənin azaldılması tövsiyə olunur.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.