Hadisə

Bakıda qəzaya düşən avtobusun İÇİNDƏN DƏHŞƏTLİ GÖRÜNTÜLƏR - FOTOlar

13 Oktyabr 2021 13:44
4 Şərh     Baxış: 7 948

Bu gün səhər saatlarında Bakı şəhər Suraxanı rayonu ərazisində baş vermiş dəhşətli yol qəzasından qısa vaxt sonra nəqliyyat vasitələri ərazidən götürülüb.

Milli.Az publika.az-a istinadən bildirir ki, qəzaya uğrayan avtobus və yük maşını cərimə meydançasına aparılıb. Avtobusun salonuna baxış keçirərkən orada hadisə vaxtı xəsarət alan sərnişinlərin ayaqqabıları, protez dişləri və digər əşyaları müşahidə olunub. Nəqliyyat vasitəsinin salonundan çəkilmiş bəzi görüntüləri təqdim edirik.

Qeyd edək ki, Publika.az-a açıqlama verən, avtobusun məxsus olduğu 171 saylı marşrut xəttini istismar edən "Ayşən LTD" şirkətinin rəhbəri İradə Əliyeva hadisəyə yük avtomobilinin səbəb olduğunu bildirib. O qeyd edib ki, qəzada vəfat edənlərin əksəriyyəti yolun kənarındakı dayanacaqda və oradakı köşkün önündə dayanan şəxslər olub: "Bizim avtobuslar qaraj şəraitində saxlanılır, texniki baxış keçirilir, hər gün səhər sürücülər tibbi müayinədən keçiriləndən sonra xəttə çıxırlar. Hadisə vaxtı avtobusu idarə edən sürücü də təcrübəli əməkdaşlarımızdandır. O da xəsarət alıb və xəstəxanaya yerləşdirilib. Avtobusu vuran yük maşınını 19 yaşlı şəxs idarə edirmiş. Pandemiya səbəbindən sərnişindaşıma şirkəti kimi vəziyyətimiz çox ağır idi, bu hadisə də bir zərbə oldu".

Hadisə Koroğlu Nəqliyyat Mübadilə Mərkəzindən Bilgəh qəsəbəsi istiqamətinə hərəkət edən "Ayşən LTD" şirkətinin müvəqqəti istismarında olan, 171 nömrəli müntəzəm marşrut xətti üzrə 10 TH 116 nömrə nişanlı sərnişin avtobusuna eyni istiqamətində hərəkət olan 99 DH 343 dövlət qeydiyyat nişanlı "Mercedes" markakı yük avtomobilinin çırpılması nəticəsində baş verib. Nəticədə avtobus yolun kənarındakı dayanacaq ərazisinə aşıb. İlkin məlumata görə 5 nəfər ölüb, 20-dən çox şəxs isə xəstəxanalara yerləşdirilib.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

4 Şərh:

  • Anonim
    kəmalə · 13 Oktyabr 13:57100

    19 yaşlı uşaq yük maşını idarə edir. belə şey olar? o ölənlərin taleyi necə olacaq?

    Cavab yaz
    • Anonim
      orxan · 13 Oktyabr 16:5510

      Qınamalı məsələ yaş deyil qanun 18 yaşa icazə verir . bildi bilmədi hər şeyə rəy bildirmək lazımsızdır

      Cavab yaz
      • Anonim
        Zaman · 14 Oktyabr 13:0110

        o qanunu biz yaxşı bilirik. Onuda bilirik ki, qanunlarımızda boşluqlar var. Götürək bu 19 yaşlı sürücünü . Sürücülük vəsiqəsi var yoxdu bilmirik, olsa belə qanun bu cur böyük yük maşınlarının idarəsində sürücülərdən təcrübə tələb etməlidi. Azyaşlı sürücülərin əksəriyyəti təcrübəsizdirlər belə avtomobilləri idarə etməyə. Bəzə qanunlarda olan boşluqlar insan həyatına və yaşamına ziyan gətirir. Allah rəhmət eləsin

        Cavab yaz
  • Anonim
    Serhci · 13 Oktyabr 15:28100

    Allah rəhmət eləsin rəhmətə gedənlərə ,ailələrinə səbr versin ,bir tikə çörək pulu üçün isə getməyi gözləyərkən məsuliyyətsiz sürücülərin qurbanı oldular ((

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.