Hadisə

Astarada dərmandan zəhərlənən qadın xəstəxanada ölüb

11 Oktyabr 2021 14:52
0 Şərh     Baxış: 421

Astarada dərmandan zəhərlənən qadın xəstəxanada ölüb.

Milli.Az report-a istinadən bildirir ki, hadisə rayonun Ərçivan qəsəbəsində baş verib.

Belə ki, 1979-cu il təvəllüdlü Elnarə Cəbrayıl qızı Əliyeva qəfildən özünü pis hiss edib. Həyat yoldaşı yaxınlıqda yaşayan həkim tanışını evə dəvət edib. Həkim də xəstəyə dərman verib. Buna baxmayaraq E.Əliyevanın səhhəti daha da pisləşib. Onu ötən gün axşam saatlarında Astara Rayon Mərkəzi Xəstəxanasına yerləşdiriblər. Yaxınları iddia edirlər ki, xəstəyə vaxtında düzgün tibbi yardım göstərilməyib.

Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Lənkəran şöbəsinə təhvil verilib. Ölümün səbəbi aparılacaq müayinələrdən sonra məlum olacaq.

Faktla bağlı rayon prokurorluğunda araşdırma aparılır.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.