Hadisə

XİN-in sabiq əməkdaşlarının ev dustaqlığı daha 3 ay artırıldı

22 Aprel 2021 17:32
Baxış: 294

Səbail Rayon Məhkəməsində Xarici İşlər Nazirliyinin İşlər idarəsinin sabiq müdiri Fərhad Molla-zadə, Konsulluq idarəsinin sabiq rəisi Faiq Bağırov və digər vəzifəli şəxsləri Nurupaşa Abdullayev, Səlim Əlizadə və İlqar Əliyevin barələrində seçilmiş ev dustaqlığı qətimkan tədbiri müddətinin uzadılması ilə bağlı istintaq orqanının verdiyi vəsatətə baxılıb.

Milli.Az Trend-ə istinadən bildirir ki, hakim Azər Tağıyevin sədrliyi ilə keçirilən prosesdə vəsatət təmin olunub və təqsirləndirilən şəxslər barəsində seçilmiş ev dustaqlığı qətimkan tədbirlərinin müddəti 3 ay uzadılıb.

Təqsirləndirilən şəxslər Dövlət Təhlükəsizliyi Xidməti əməkdaşlarının Xarici İşlər Nazirliyindən keçirdikləri əməliyyat zamanı saxlanılıb. Onların batrəsində Cinayət Məcəlləsinin 179.3.2-ci (külli miqdarda mənimsəmə), 308-ci (vəzifə səlahiyyətlərindən sui-istifadə etmə), 311-ci (rüşvət alma) maddələri ilə cinayət işi başlanıb, Səbail Rayon Məhkəməsi tərəfindən həbs qətimkan tədbiri seçilib.

Daha sonra isə məhkəmənin qərarı ilə həmin şəxslərin barəsində seçilmiş həbs qətimkan tədbiri ev dustaqlığı ilə əvəzlənib.

Milli.Az 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.