Hadisə

Azərbaycanda gəmi kapitanı dünyasını dəyişdi

18 Yanvar 2021 11:39
Baxış: 1 572
VTB-də minimal faiz dərəcəsi ilə nağd kredit 9.9%-dən
#HADİSƏ #GƏMİ

"Azərbaycan Xəzər Dəniz Gəmiçiliyi" QSC-nin kollektivinə ağır itki üz verib.

Bu barədə Milli.Az-a QSC-dən bildiriblər. Təcrübəli kapitan, Dəniz Nəqliyyatı Donanmasının Dəniz üzgüçülüyünün təhlükəsizliyi xidmətinin rəisi Elxan İslam oğlu Hacıyev yanvarın 17-də 59 yaşında vəfat edib.

Elxan Hacıyev 1961-ci il avqustun 3-də Cəbrayıl rayonunun Qumlaq kəndində anadan olub.

Azərbaycan Dövlət Dəniz Akademiyasını bitirib. Dənizçilik fəaliyyətinə 1983-cü ildə matros kimi başlayıb. Sonralar Xəzər Dəniz Gəmiçiliyinin müxtəlif gəmilərində kapitanın üçüncü, ikinci, böyük köməkçisi üzüb. 2006-ci ildən səfərlərə kapitan kimi çıxıb, sonra bir müddət təlimatçı kapitan işləyib. 2015-ci ildən Dəniz Nəqliyyatı Donanmasının Dəniz üzgüçülüyünün təhlükəsizliyi xidmətinin rəisi təyin olunub.

Elxan Hacıyev işlədiyi illərdə həmişə bacarığı, peşəkarlığı ilə seçilib.

Fədakar əməyi yüksək qiymətləndirilib. "Tərəqqi" medalı, "Azərbaycan Xəzər Dəniz Gəmiçiliyinin 160 illiyi (1858-2018) Azərbaycan Respublikasının yubiley medalı ilə təltif olunub. "Dəniz Donanmasının Fəxri işçisi" adına layiq görülüb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.