Tərəvəz sevənlər üçün kabaklı plov resepti

Mövsümün təzə kabakları ilə hazırlanan bu plov yüngül və ətirli dadı ilə ənənəvi plov reseptlərinə fərqli bir rəng qatır. Düyünün dənə-dənə toxumasını kabakın yumşaq dadı ilə birləşdirən bu resept həm gündəlik süfrələr, həm də xüsusi qonaqlıqlar üçün çox uyğundur. Tərəvəzlərin təbii dadını ön plana çıxaran bu plov, həm sadə, həm də doyumludur.

Milli.Az lazım olan ərzaqları təqdim edir:

2 ədəd orta boy kabak

1,5 stəkan düyü

1 ədəd quru soğan

2 xörək qaşığı zeytun yağı

1 xörək qaşığı kərə yağı

3 stəkan isti su və ya tərəvəz suyu

1 çay qaşığı duz

Yarım çay qaşığı qara istiot

2 xörək qaşığı xırda doğranmış şüyüd

Hazırlanması:
Düyünü bol su ilə yuyun və 15 dəqiqə ilıq suda saxlayın. Sonra suyunu süzün.

Kabakları yuyun və xırda kublar şəklində doğrayın.

Soğanı yeməklik doğrayın.

Qazana zeytun yağı və kərə yağını əlavə edin. Soğanı qızılı rəng alana qədər qovurun.

Doğranmış kabakları əlavə edin və bir neçə dəqiqə sote edin (yüngülcə qovurun).

Süzülmüş düyünü əlavə edib 2-3 dəqiqə birlikdə qovurun.

Duz və qara istiotu vurun.

İsti suyu və ya tərəvəz suyunu əlavə edib qarışdırın.

Qaynamağa başlayanda ocağın altını azaldın və qazanın qapağını bağlayın.

Plov suyunu çəkənə qədər təxminən 15-18 dəqiqə bişirin.

Ocaqdan götürdükdən sonra üzərinə təmiz bir dəsmal örtüb 10 dəqiqə dincəlməyə qoyun.

Sonda xırda doğranmış şüyüdü əlavə edib qarışdırın və süfrəyə verin. Nuş olsun!

Nişastasının getməsi üçün düyünü mütləq yuyun və suda saxlayın.

Bişərkən əzilməmələri üçün kabakı çox xırda doğramayın, kub şəklində doğramaq daha yaxşıdır.

Plov bişdikdən sonra dərhal servis etməyin, ən az 10 dəqiqə dincəlməyə qoyun ki, dənələr tam otursun.

Şüyüdü bişirmənin sonunda əlavə edin ki, həm rəngi, həm də ətri itməsin.

Bu plovu qatıq və ya süzmə ilə birlikdə servis edə bilərsiniz.

Qızardılmış toyuq, kotlet və ya ət yeməklərinin yanında qarnir olaraq çox yaraşır.

Daha fərqli bir dad üçün üzərinə ağ pendir və ya lor pendiri səpə bilərsiniz.

Müəllif: Ülkər Vəliyeva (Milli.Az redaktor)