Hadisə

21 yaşlı qız özünü sevgilisinin maşınından niyə atıb? - TƏFƏRRÜAT

14 Sentyabr 2020 17:36
Baxış: 3 325
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kürdəmir rayonunda 21 yaşlı qızın özünü hərəkətdə olan avtomobildən ataraq intihar etməsi hadisəsini təfərrüatları məlum olub.

Milli.Az xəbər verir ki, ilkin araşdırmalar nəticəsində Ağsu-Kürdəmir-İmişli yolunun rayonun Qaraqocalı kəndindən keçən hissəsində özünü maşından atan 21 yaşlı Ayşən Şükürovanın avtomobilin sürücüsü Xırdapay kənd sakini, 27 yaşlı sakini İbadov Əsəd Füzuli oğlu ilə sevgili olması üzə çıxıb.

Belə ki, 21 yaşlı qız bir müddət əvvəl Əsədlə tanış olub və onlar arasında sevgi münasibəti yaranıb. Lakin bir neçə gün əvvəl gənc oğlan başqa qızla nişanlanacağını bildirirək Ayşəndən ayrılmaq istəyib. Bundan sonra onlar münasibətlərini müəyyənləşdirmək məqsədilə görüşmək qərarına gəliblər. Ə.İbadov "VAZ-2107" markalı avtomobillə A.Şükürovanı götürüb və onlar rayon mərkəzi istiqamətində hərəkətdə olarkən maşında mübahisə ediblər. Mübahisə zəminində gənc qız qapını açaraq özünü saatda 60-70 kilometr sürətlə hərəkətdə olan avtomobildən yola atıb. Asfaltın üzərinə çırpılan Ayşən ağır xəsarətlər alıb və dərhal xəstəxanaya çatdırılıb. Lakin onun xəsarətləri çox ağır olduğundan təcili olaraq Bakıya göndərilib.

Faktla bağlı rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş açılıb, araşdırmalar davam etdirilir. (publika.az)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.