Hadisə

Bakıda uşaq qidasından çıxan qurdla bağlı araşdırma başlandı - YENİLƏNİB - VİDEO

14 Oktyabr 2019 12:59

4 Şərh Baxış: 2 469

VTB-də minimal faiz dərəcəsi ilə nağd kredit 9.9%-dən

#HADİSƏ

12:59

Məsələ ilə bağlı Azərbaycan Qida Təhlükəsizliyi Agentliyində (AQTA) araşdırmalar başlanıb.

Milli.Az bildirir ki, agentlikdən Trend-ə bildirilib ki, araşdırmaların nəticəsi barədə ictimaiyyətə məlumat veriləcək:

"Qeyd etdiyiniz məsələ ilə bağlı vətəndaş Qida Təhlükəsizliyi Agentliyinin 1003 "Çağrı Mərkəzi"nə məlumat verib. Məlumat qeydə alındıqdan dərhal sonra Qida Təhlükəsizliyi Agentliyində aidiyyəti üzrə araşdırmalara başlanılıb. Araşdırmaların nəticəsində qanunvericiliyin tələbləri çərşivəsində tədbirlər görüləcək. Nəticələr barədə ictimaiyyətə məlumat veriləcək. Agentlik vətəndaşlardan xahiş edir ki, qida məhsullarının, xüsusilə uşaq qidalarının təhlükəsizliyi və keyfiyyəti ilə bağlı şübhələri olarsa, bu sahədə neqativ hallarla rastlaşsalar, müəssisənin və məhsulun adı, ünvanı, istehsal tarixi və s. konkret məlumatları qeyd etməklə Agentliyin 1003 qaynar xəttinə zəng edərək məlumat versinlər".

----------
11:45

Bakıda uşaq qidasının içindən qurd çıxıb.

Milli.Az bildirir ki, bu barədə qafqazinfo-ya məlumatı şikayətçi Asəf Abbasov verib.

O bildirib ki, 9 oktyabr tarixində Biləcəridə yerləşən "Şəfa" aptekindən uşaq yeməyi olan "Nutrilak" alıb. Bir neçə dəfə uşağa həmin qidadan verildikdən sonra qutunun içərisində qurd olduğu müəyyən olunub. Ata hətta bu səbəbdən övladının dərisinin səpdiyini də iddia edib:

"Məhsulun istifadə müddəti də bitməyib. Aptekə müraciət etmişəm, dedilər ki, onlarlıq deyil. Mən də Səhiyyə Nazirliyinə müraciət edirəm ki, apteklərdə satılan bu kimi məhsulların mənşəyini araşdırsın".

Milli.Az