Hadisə

Bakıda yük maşını aşdı, yanacaq yola dağıldı

21 İyul 2019 17:42

0 Şərh Baxış: 1 146

VTB-də minimal faiz dərəcəsi ilə nağd kredit 10.49%-dən

#HADİSƏ #QƏZA

Nəsimi rayonunda yol-nəqliyyat hadisəsi baş verib.

Milli.Az APA-ya istinadla xəbər verir ki, hadisə Səməd Vurğun küçəsi ilə Həsən Əliyev küçəsinin kəsişməsində qeydə alınıb.

"İsuzu" markalı yük avtomobilinin sürücüsü Dilqəm Əhmədovun verdiyi məlumata görə, o S.Vurğun küçəsində işıqforun yaşıl işığından keçib. Bu zaman Zahid Zahidzadənin idarə etdiyi "Nissan" markalı avtomobil ona çırpılıb.

Zərbənin gücündən yük maşını "KİA" markalı avtomobilə dəyib. Daha sonra işıq dirəyinə çırpılıb. Nəticədə yük avtomobilinin benzin çəninə zərər dəyib. Benzin yola dağılıb.

Z.Zahidzadə isə onun qırmızı işıqdan keçmədyini bildirib. Baş vermiş hadisə ilə bağlı əraziyə FHN-in Yanğından Mühafizə Xidmətinin əməkdaşları cəlb edilib. Yoldakı yanacaq su ilə yuyulub.

Nəsimi Rayon Polis İdarəsinin əməkdaşları hər üç sürücünün izahatını alıb.

Fakta hüquqi qiymət ərazidə olan müşahidə kameralarının qeydə aldığı görüntülərə baxıldıqdan sonra veriləcək.

Milli.Az