Hadisə

Bakıda dayanacağa çırpılan maşın kül oldu - FOTO

7 Avqust 2015 09:27
4 Şərh     Baxış: 1 313

Bakıda dəhşətli yanğın hadisəsi baş verib. Milli.Az musavat.com-a istinadən bildirir ki, ötən gecə Nərimanov rayonu, Ayna Sultanova heykəli ilə Azadlıq prospektinin (keçmiş Karl Marks dairəsi) arasındakı ərazidə avtoqəza baş verib. "Subaru" markalı minik avtomobili yüksək sürətlə yolun kənarındakı maşrut dayanacağına çırpılıb. Nəticədə dayanacaq yararsız hala düşüb.

Qəzadan bir neçə dəqiqə sonra isə, avtomobil alovlanmağa başlayıb. Xoşbəxtlikdən, ətrafda olan taksi sürücüləri maşında olan sərnişinləri yanğın böyümədən ərazidən uzaqlaşdıra biliblər. Hadisə şahidlərinin musavat.com-a verdikləri məlumata görə, yanğın o qədər şiddətli olub ki, avtomobildən əsər-əlamət qalmayıb. Hətta yaxınlıqdakı körpüyə də ziyan dəyib. 

Əraziyə çağırılan FHN-in yanğınsöndürmə idarəsinin əməkdaşları hadisəyə tez bir zamanda müdaxilə edərək, alovun qarşısını alıblar. İlkin məlumatlara görə, qəza nəticəsində güclü xəsarət alan olmayıb. 

Sakinlərin sözlərinə görə, onlar 5 dəfə partlayış səsi eşidiblər: "Qəzadan xəbərimiz yox idi. Qəfil partlayış səsi eşitdik. Ardından 4 dəfə də güclü partlayış oldu. Bayıra çıxdıq. Gördük ki, körpü tərəfdə yanğın var. Gəlib, baxdıq. Maşın dayanacağa çırpılmışdı. Və dəhşətli yanırdı. Amma sahibini görmədik. Deyəsən getmişdi. Gördük ki, alov getdikcə böyuyür, səs-küy saldıq. Sürücülərə dedik ki, maşınları kənara çəksinlər. Hər şey ola bilərdi". 

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

4 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.