Hadisə

Bakıda yol qəzası törədən avtobus sürücüsü tutuldu

7 Aprel 2015 17:58
0 Şərh     Baxış: 2 523
VTB-də minimal faiz dərəcəsi ilə nağd kredit 9.9%-dən
#AZERBAİJAN #HADİSƏ #QƏZA #DAEWOO INTERNATİONAL CORP

Bakıda avtobus sürücüsü yol qəzası törətdiyinə görə tutulub

Trend Bakı şəhər Baş Polis İdarəsi və şəhər prokurorluğunun yaydığı birgə məlumata istinadən xəbər verir ki, aprelin 6-da saat 16 radələrində paytaxtın Qaradağ rayonu ərazisində "Daewoo" markalı "10-TG-188" dövlət qeydiyyat nişanlı avtobusun sürücüsü Cahid Babayevin idarəetməni itirərək yol kənarında dayanmış Zakir Mirzəyevin idarə etdiyi "Mersedes-Benz" markalı "10-UP-246" dövlət qeydiyyat nişanlı, Polad Nuriyevin idarə etdiyi "Daewoo" markalı "10-TF-967" dövlət qeydiyyat nişanlı avtobusları və Yunis Kazımovun idarə etdiyi "Opel Vectra" markalı "99-FK-907" dövlət qeydiyyat nişanlı avtomobili vurması nəticəsində P.Nuriyevin aldığı xəsarətlərdən xəstəxanada ölməsi, Z.Mirzəyevin, habelə avtobusda olan sərnişinlərin xəsarət almaları faktına görə rayon Polis İdarəsinin İstintaq şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.

Aparılan istintaq zamanı qeyd olunan yol-nəqliyyat hadisəsinin C.Babayev tərəfindən törədilməsində kifayət qədər əsaslı şübhələr olduğundan o, tutularaq istintaqa cəlb olunub.

Hazırda iş üzrə istintaq tədbirləri davam etdirilir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.