Hadisə

4 avtomobil toqquşdu - FOTO

8 Yanvar 2015 10:10
0 Şərh     Baxış: 2 000
VTB-də minimal faiz dərəcəsi ilə nağd kredit 9.9%-dən
#HADİSƏ #HYUNDAİ MOTOR CO LTD
Ötən gecə Nərimanov rayonunda zəncirvari qəza baş verib.

APA-nın məlumatına görə, qəza Azadlıq prospekti ilə Nəsib bəy Yusifbəyli küçəsinin kəsişməsində qeydə alınıb.

Kimliyi məluma olmayan "Hyundai Sonata" markalı avtomobilin sürücüsü işıqforun qırmızı işığında hərəkətini davam etdirib. Sürət yüksək olduğu üçün idarəetməni itirən sürücü maşını əvvəlcə "KİA" markalı avtomobilə, daha sonra "Mercedes"ə çırpıb. "Mercedes" də qarşısında dayanan "Niva" markalı avtomobilə arxadan dəyib. Sükana sahib ola bilməyən "Hyundai"ın sürücüsü avtomobili daha sonra yaşayış binasının qarşısında olan qaz xəttinə çırpıb.

Baş verən qəzada "Hyundai"ın sürücüsü xəsarət alıb. Qaz xəttində yaranan problemi aradan qaldırmaq üçün hadisə yerinə "Azəriqaz"ın əməkdaşları cəlb olunub. Yararsız vəziyyətə düşmüş avtomobillər ərazidən uzaqlaşdırılıb. Qəzanı törədən sürücüyə hadisə yerinə gələn təcili tibbi yardımın əməkdaşları ilkin yardım göstərib. Daha sonra o, izahatı alınması üçün Nərimanov Rayon Polis İdarəsinə aparılıb.

Milli.Az


Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.