Hadisə

"Bu avtobus qəbristanlığa gedir?" - YENİLƏNİB - VİDEO - FOTO

17 Noyabr 2014 14:20

0 Şərh Baxış: 6 106

VTB-də minimal faiz dərəcəsi ilə nağd kredit 9.9%-dən

#FOTOREPORTAJLAR #HADİSƏ #VİDEO #AVTOBUS #QƏZA #DAEWOO INTERNATİONAL CORP

14:20

Bakının Binəqədi rayonu ərazisində sərnişin avtobusu qəzaya uğrayıb.

Bu barədə bizimyol məlumat yayıb. Hadisə şahidlərinin anspress-ə verdiyi məlumata görə, Biləcəri qəsəbəsində 170 saylı avtobus hasara çırpılıb.

Məsələyə aydınlıq gətirmək üçün növbə rəisi Zahir Məmmədovla əlaqə saxladıq. Növbə rəisinin anspress-ə verdiyi məlumata görə, "Memar Əcəmi" stansiyasından Biləcəriyə gedən 170 saylı, "Daewoo" 10 BV 550 nömrəli avtobus Biləcəridə qəbristanlığın hasarına çırpılıb. Qəza nəticəsində sürücü yüngül xəsarət alıb.

"Hadisə saat 07:30-da olub. O saatlarda Biləcəridə sərnişin az olur. Ona görə də, xoşbəxtlikdən, xəsarət alan olmayıb", - deyə Zahir Məmmədov bildirib.

Növbə rəisi deyir ki, 170 saylı avtobusun Biləcəridən keçən hissəsində yollar bərbaddır. Bu səbəbdən də, həmin istiqamətdən tez-tez problemlər yaranır. Ya avtobuslar intervalda gecikir. Ya maşınlar xarab olur. Növbə rəisinin sözlərinə görə, elə bu qəzada yolda böyük yama üzündən baş verib.

"Yolda su ilə dolu çuxur olub. Sürücü Habil avtobusu çuxura düşməkdən qorumaq istəyib. Lakin maşının təkəri sürüşüb. Maşın idarəetmədən çıxıb və qəbristanlığın hasarına çırpılıb. Xoşbəxtlikdən, avtobus yüksək sürətlə getmirmiş. Yoxsa maşın aşardı", - deyə Zahir Məmmədov bildirib.

Növbə rəisinin sözlərinə görə, bu yollar çox bərbad olduğu üçün həmin istiqamətdə avtobusların qəzaya uğramaq təhlükəsi böyükdür.

---------
13:08

Milli.Az bizimyol.info-ya istinadən xəbər verir ki, Biləcəri qəsəbəsində növbəti avtobus qəzası baş verib.

Hadisə bu gün səhər saatlarında olub. 170 nömrəli marşrut avtobusu idarəetmədən çıxaraq işıq dirəyinə çırpılıb. Xəsarət alanlar haqqında məlumat yoxdur.

Oxuculardan birinin Bizimyol.info-ya göndərdiyi həmin görüntüləri təqdim edirik:

Milli.Az

------------
14:20

Böyütmək üçün şəklə klikləyin.