Hadisə

Azərbaycanda gənc ailənin faciəsi

29 Oktyabr 2014 13:27
0 Şərh     Baxış: 2 890
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR
Cəlilabad rayonunda  ehtiyatsızlıq faciəyə səbəb olub.

Milli.Az CTV-yə istinadən bildirir ki, hadisə rayonun Böyük Bəcrəvan kəndində Hüseynov İsrail Səyadulla oğluna məxsus yaşayş evində  qeydə alınıb.

Axşam saatlarında otağın isidilməsi üçün istifadə olunan elektrik sobası aşaraq döşəmədəki xalçanı yandırıb. Bu zaman otaqda ciddi yanğın baş verməsə də ər, arvad və  onların ikiaylıq körpəsinin olduğu otaq qatı tüstü ilə dolub.

Yalnız səhər saatlarında hadisədən xəbər tutan ailənin digər üzvləri onları tüstü ilə dolmuş otaqdan bayıra çıxara biliblər.

Lakin  tüstü və dəm qazı 22 yaşlı Gülarə Heseynovanın həyatına son qoyub. Onun həyat yoldaşı və körpəsi Hüseyn Hüseynov ağır vəziyyətdə Cəlilabad Mərkəzi Rayon Xəstəxanasına çatdırılıblar.

Xəstəxananın həkimi Şəmsəddin Büyatovdan aldığımız məlumata görə, hazırda ata və  onun övladının vəziyyəti  normaldır.

Faktla bağlı araşdırma aparılır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.