Hadisə

Cəlilabadda zəncirvari qəza - 3 nəfər xəsarət alıb

12 Avqust 2026 20:41
Baxış: 187
VTB-də minimal faiz dərəcəsi ilə nağd kredit 9.9%-dən
#QƏZA

Yeni Ələt-Astara magistralında qəza baş verib, xəsarət alanlar var.

Milli.Az APA-ya istinadən bildirir ki, hadisə yeni Ələt-Astara magistralının Cəlilabad rayonu ərazisindən keçən hissəsində qeydə alınıb.

Belə ki, zəncirvari qəzada "VAZ 2106", "VAZ 2107" markalı iki minik avtomobili və mikroavtobus toqquşub.

Qəza nəticəsində 3 nəfər müxtəlif dərəcəli bədən xəsarətləri alaraq Cəlilabad Rayon Mərkəzi Xəstəxanasına çatdırılıb.

Hadisə ilə bağlı TƏBİB-dən yol-nəqliyyat hadisəsi səbəbilə xəsarət alan 3 nəfərin (2 qadın, 1 kişi) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunduğu bildirilib.

Onlara bədənin müxtəlif nahiyələrinin çoxsaylı travmaları diaqnozu təyin edilib.

Müalicələri Təcili tibbi yardım şöbəsində davam etdirilən şəxslərin vəziyyətləri stabil qiymətləndirilir.

Faktla bağlı araşdırma aparılır.

Müəllif: Ülkər Vəliyeva (Milli.Az redaktor)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.