Hadisə

Daha bir piyada ehtiyatsızlığının acı sonu - Anbaan video

24 İyul 2026 10:09

Baxış: 857

VTB-də minimal faiz dərəcəsi ilə nağd kredit 9.9%-dən

Bakı-Quba yolunda piyadanın ölümü ilə nəticələnən yol-nəqliyyat hadisəsi baş verib.

Milli.Az xəbər verir ki, bu barədə Baş Dövlət Yol Polisi İdarəsi məlumat yayıb.

Bildirilib ki, hadisə iyulun 23-də saat 14:00 radələrində Bakı-Quba avtomobil yolunun 53-cü kilometrliyində qeydə alınıb.

Məlumata görə, "VAZ-11173" markalı avtomobil yolu müəyyən olunmayan hissədən keçməyə çalışan piyadanı vurub. Nəticədə piyada aldığı xəsarətlərdən hadisə yerində dünyasını dəyişib.

Baş Dövlət Yol Polisi İdarəsi sürücüləri və piyadaları yol hərəkəti qaydalarına əməl etməyə, xüsusilə piyadaları yolu yalnız nəzərdə tutulmuş keçidlərdən keçməyə çağırıb.

Qeyd olunub ki, yol hərəkətində diqqətsizlik ağır nəticələrə səbəb ola bilər və hər bir iştirakçı təhlükəsizlik qaydalarına məsuliyyətlə yanaşmalıdır.

Müəllif: Malik Məlikov (Milli.Az redaktor)