Hadisə

Gürcüstanda ağır QƏZA - 7 azərbaycanlı gənc öldü - ANBAAN VİDEO

14 May 2026 15:39

Baxış: 707

VTB-də minimal faiz dərəcəsi ilə nağd kredit 9.9%-dən

#HADİSƏ #GÜRCÜSTAN #QƏZA

Gürcüstanda azərbaycanlıların kompakt yaşadığı Qardabani bölgəsinin Birlik kəndində ağır yol-nəqliyyat hadisəsi baş verib.

Milli.Az xəbər verir ki, məlumata görə, yüksək sürətlə hərəkət edən BMW avtomobili ağaca çırpılıb, nəticədə yeddi nəfər həyatını itirib, daha bir nəfər isə ağır vəziyyətdə xəstəxanaya çatdırılıb.

Yerli sakinlər həlak olanların, demək olar ki, eyni yaşda - 18 yaşlı gənclər olduğunu bildiriblər.

"Qəza evimin yaxınlığında baş verdi. Onlar mənim qonşularım idi. Hamısı yaxşı, tərbiyəli gənclər idi. Yüksək sürətlə hərəkət edirdilər və buna görə belə oldu. Demək olar, hamısı yaşıd idi - 18 yaşlılar. Birlikdə məşq edirdilər. Onlardan biri mənim övladıma boks öyrədirdi. Həlak olanlardan 2-si qardaş idi", - yerli sakin deyib.

Gürcüstan Daxili İşlər Nazirliyindən bildirilib ki, faktla bağlı araşdırma Cinayət Məcəlləsinin 276-cı maddəsinin səkkizinci hissəsi ilə aparılır. Bu maddə nəqliyyatın hərəkət təhlükəsizliyi və ya istismarı qaydalarının pozulmasını nəzərdə tutur ki, bu da iki və ya daha çox şəxsin ölümünə səbəb olma ilə bağlıdır.

Yeddi azərbaycanlı gəncin həlak olduğu qəzanın görüntülərini təqdim edirik:

Fidan
Milli.Az