Hadisə

Hövsanda binada yanğın olub - YENİLƏNİB - VİDEO

14 Noyabr 2025 22:16

Baxış: 1 082

VTB-də minimal faiz dərəcəsi ilə nağd kredit 9.9%-dən

#VİDEO #YANĞIN

Fövqəladə Hallar Nazirliyinin "112" qaynar telefon xəttinə Bakı şəhərinin Suraxanı rayonu, Hövsan qəsəbəsində yerləşən çoxmərtəbəli yaşayış binasında yanğın baş verməsi barədə məlumat daxil olub.

Bu barədə Milli.Az-a Fövqəladə Hallar Nazirliyinin Mətbuat xidməti məlumat verib.

Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Yanğınsöndürənlərin çevik müdaxiləsi sayəsində doqquzmərtəbəli yaşayış binasının dam örtüyündə baş vermiş yanğın genişlənməsinə, o cümlədən mənzillərə keçməsnə imkan verilmədən qısa müddətdə söndürülüb.

Yanğın nəticəsində yaşayış binasının damında ümumi sahəsi 7kv.m. olan liftin mühərrik otağında istifadəyə yararsız əşyalar və dam örtüyünün taxta atmaları 30kv.m. sahədə yan yanıb.

Yaşayış binası və mənzillər yanğından mühafizə olunub.

------------

Suraxanı rayonunda yaşayış binasının damında yanğın baş verib.

Milli.Az iqtisadiyyat.az-a istinadən xəbər verir ki, hadisə Hövsan qəsəbəsinin İlqar Əhlimanov küçəsində qeydə alınıb.

Belə ki, həmin küçədə 10-cu binanın damında yanğın başlayıb.

Milli.Az