Hadisə

“Hacı xanım” məhlədə hamını şantaj edir” - Video

4 Sentyabr 2025 22:17

Baxış: 566

VTB-də yüksək depozit faizleri daha çox qazandırır

#HADİSƏ

Xalası tərəfindən işgəncələrə məruz qaldığı iddia edilən 14 yaşlı oğlanla bağlı yeni detallar üzə çıxıb.

Milli.Az xəbər verir ki, qonşuların sözlərinə görə, yeniyetmə onlardan kömək istəyib və uşaqlar evinə verilməsini xahiş edib.

"Uşaq elə bir vəziyyətdə idi ki, hansı vicdansız buna dözə bilərdi?! Öz ayağı ilə gəlib qapını döyüb yardım istədi. Qanını mən silmişəm. "Xala, mənə kömək edin, məni uşaqlar evinə verin" dedi. Çarəsiz qalmışdı, vəhşicəsinə döyülmüşdü. Günay Novruzova falçılıqla məşğul olur, özünü "Hacı xanım" kimi təqdim edirdi. Qadına heç kim söz deyə bilmirdi, çünki bu məhəllədə hamını şantaj edirdi", - deyə qonşulardan biri bildirib.

Qonşular işgəncə faktını təsdiqləsələr də, uşağın böyük qardaşı deyilənlərlə razılaşmayıb.

"Hər şeyimiz normal olub, heç bir pislik görməmişəm. Mən əsgərlikdə olduğum vaxt qardaşımın o vəziyyətdə olduğunu gördüm. Qonşular burada idilər, amma heç kim mənə deməyib ki, qardaşıma işgəncə verilib. Qardaşım da bu barədə mənə heç nə deməyib. Mən nə görüntülərə, nə xalama, nə də qonşulara güvənirəm. Ekspertizanın cavabını gözləyirəm", - deyə qardaşı açıqlayıb. (baku.tv)

Milli.Az