Hadisə

Yanğın Xocavəndə yayıldı - YENİLƏNİB - VİDEO

26 İyul 2025 00:31

Baxış: 1 877

VTB-də minimal faiz dərəcəsi ilə nağd kredit 9.9%-dən

#VİDEO #YANĞIN #XOCAVƏND

00:31

Qarabağda baş verən yanğınların söndürülməsinə əlavə olaraq 50 nəfər yanğınsöndürən əməkdaşı cəlb olunub.

Milli.Az qafqazinfo-ya istinadən xəbər verir ki, Ağdam rayon Gülablı kəndində baş verən yanğın genişlənərək Xocavənd rayon Mirikənd kəndi ərazisinə yayılıb.

Havanın küləkli olması yanğınsöndürən əməkdaşların işini çətinləşdirdiyindən köməyə əlavə 50 nəfər cəlb edilib.

Hazırda Ağdərə rayon Umudlu kəndi istiqamətində də yanğınlar başlayıb.

FHN-nin yanğınsöndürən əməkdaşları yanğın olan ərazilərdə yanğınla mübarizə tədbirlərini davam etdirir.

Ağdamdan son vəziyyəti təqdim edirik:

23:31

Ağdam rayonu Gülablı kəndi ərazisində ötən gün başlayan yanğın Xocavənd rayonunun Mirikənd kəndinin ərazisinə keçib.

Milli.Az xəbər verir ki, yanğının söndürülməsi üçün Fövqəladə Hallar Nazilriyinin (FHN) Ağdam, Ağcabədi, Yevlax, Xankəndi rayonlarından 130 nəfərdən ibarət şəxsi heyəti mübarizə aparır. Bundan başqa, yanğının söndürülməsi üçün 2 helikopter cəlb olunub.

İlkin olaraq 80 nəfər şəxsi heyətin cəlb olunduğu ərazidə hava şəraitinin küləkli olması yanğının söndürülməsini çətinləşdirib. Bu səbəbdən yanğının söndürülməsinə əlavə olaraq 50 nəfərlik qüvvə də cəlb edilib.

Bundan başqa, Ağdərə rayonu Həsənriz kəndində də günorta saatlarında yanğın başlayıb. Sözügedən ərəraziyə də FHN-nin yanğınsöndürmə briqadaları cəlb edilib.

"Report"un Qarabağ bürosunun yerli sakinlərdən əldə etdiyi məlumata görə, meşəlik əraziyə keçən aktiv yanğın ocaqları məhdudlaşdırılıb.

Hazırda yanğının tam söndürülməsi istiqamətində işlər davam etdirilir.

Milli.Az