Hadisə

Bakı-Qazax yolunda dəhşətli yanğın - Yenilənib - VİDEO - FOTO

21 Yanvar 2025 23:09

Baxış: 1 903

VTB-də minimal faiz dərəcəsi ilə nağd kredit 9.9%-dən

#VİDEO #YANĞIN

23:09

Fövqəladə Hallar Nazirliyinin "112" qaynar telefon xəttinə Bakı-Qazax yolunun 137-ci kilometrliyi, Hacıqabul rayonu ərazisində yük avtomobilində yanğın baş verməsi barədə məlumat daxil olub.

Milli.Az xəbər verir ki, məlumatla əlaqədar dərhal FHN-in Dövlət Yanğından Mühafizə Xidmətinin Hacıqabul rayon Yanğından Mühafizə Hissəsinin qüvvələri əraziyə cəlb olunub.

Yanğınsöndürənlərin çevik müdaxiləsi sayəsində "DAF" markalı yük avtomobilinin qoşqu hissəsində baş vermiş yanğın genişlənməsinə imkan verilmədən qısa müddətdə söndürülüb, həmçinin yükün təhlükəsiz əraziyə boşaldılması təmin edilib.

Yanğın nəticəsində yük avtomobilinun qoşqusunda olan 21 ton qida məhsulunun 14 tonu yanıb.

Yük avtomobili və qida məhsullarının qalan hissəsi yanğından mühafizə olunub.

------------
23:00

Bakı-Qazax avtomobil yolunun 137-ci kilometrliyində, Hacıqabul rayonu ərazisində güclü yanğın baş verib. "Aqromak" şirkətinə məxsus iki TIR-ın alışdığı bildirilir. Yanğının yaratdığı tüstü təxminən 300 metr əraziyə yayılıb.

"Musavat.com"un hadisə yerində olan əməkdaşının verdiyi xəbərə görə, hadisə nəticəsində xəsarət alanlar barədə məlumat yoxdur. Yanğın baş verən əraziyə dərhal polis, yanğınsöndürən briqadalar və Fövqəladə Hallar Nazirliyinin əməkdaşları cəlb olunub.

Yanğın səbəbindən ərazidə böyük tıxac yaranıb, bu da nəqliyyat vasitələrinin hərəkətində ciddi çətinliklərə səbəb olub. Hazırda yanğının söndürülməsi və hadisənin araşdırılması istiqamətində işlər davam edir. Təfərrüatlar açıqlanacaq.

Milli.Az