14 yanvar - 5 fevral tarixləri ilə bağlı vacib XƏBƏRDARLIQ

2025-ci il 14 yanvar - 5 fevral tarixlərində Merkuri retrogradı başlayır.

Bu dövr Oğlaq bürcündə başlayıb Oxatan bürcündə sona çatır. Bu retrograd, xüsusilə iş, ünsiyyət, uzunmüddətli planlar və səyahətlə bağlı məsələlərdə təsirli olacaq. Oğlaq və Oxatan bürclərinin praktiklik və genişlənmə kimi enerjiləri arasında tarazlıq tapmaq çətinləşə bilər.

Merkuri retrogardı bir sıra məsələlərə təsir göstərə bilər. Məsələn, ünsiyyət problemləri yarana, anlaşılmazlıqlar ortaya çıxa bilər. Həmçinin səyahət planında dəyişiklik, gecikmələrin yaşanması ehtimalı da var. Ancaq təsirlər bununla da bitmir. Əlavə olaraq, elektron cihazlarla bağlı problemlər və məlumat itkiləri gözləniləndir. Planlama mövzusunda da ehtiyatlı davranmaqda fayda var. Yeni layihələrə başlamaq əvəzinə, köhnə işlərə diqqət etmək daha məqsədəuyğun olacaq.

Milli.Az xəbər verir ki, Yenisabah.az bu dövrün 12 bürcə ayrı-ayrılıqda necə təsir edəcəyini də araşdırıb:

Qoç (21 mart - 19 aprel)

Karyera və iş həyatında gecikmələr və yanlış anlaşılmalar yarana bilər. Yeni layihələrə başlamaqdansa, mövcud işləri təkmilləşdirin.

Buğa (20 aprel - 20 may)

Səyahət və təhsil sahələrində çətinliklər mümkündür. Əvvəlcə yarımçıq qalan məsələləri həll etməyə çalışın.

Əkizlər (21 may - 20 iyun)

Maliyyə və borclanma ilə bağlı məsələlərdə diqqətli olun. Sənədləşmə və müqavilələrdə detalların üzərindən keçin.

Xərçəng (21 iyun - 22 iyul)

Əlaqələrdə qarşılıqlı anlaşılmazlıqlar baş verə bilər. Problemləri danışaraq həll etməyə çalışın.

Şir (23 iyul - 22 avqust)

Sağlamlıq və gündəlik rutinlərdə yenidən nəzərdən keçirmə tələb oluna bilər. İş mühitində diqqətli olun.

Qız (23 avqust - 22 sentyabr)

Yaradıcılıq, sevgi və uşaqlarla bağlı məsələlərdə gecikmələr mümkündür. Köhnə layihələri bitirmək üçün ideal zamandır.

Tərəzi (23 sentyabr - 22 oktyabr)

Evdə və ailədə anlaşılmazlıqlar yarana bilər. Köç və ya evlə bağlı qərarları təxirə salın.

Əqrəb (23 oktyabr - 21 noyabr)

Ünsiyyətdə problemlər və yaxın dostlarla anlaşılmazlıqlar yaşana bilər. Sözlərinizi diqqətlə seçin.

Oxatan (22 noyabr - 21 dekabr)

Maliyyə və şəxsi dəyərlərlə bağlı məsələlərə diqqət yetirin. Pul xərcləməzdən əvvəl iki dəfə düşünün.

Oğlaq (22 dekabr - 19 yanvar)

Şəxsi məqsədlərinizi yenidən nəzərdən keçirin. Köhnə vərdişlərdən qurtulmaq üçün yaxşı zamandır.

Dolça (20 yanvar - 18 fevral)

İstirahət və meditasiya ilə məşğul olun. Şüuraltı düşüncələrinizdəki maneələri həll etmək üçün yaxşı fürsətdir.

Balıqlar (19 fevral - 20 mart)

Sosial dairənizdə anlaşılmazlıqlar yarana bilər. Köhnə dostlarla əlaqəni bərpa etməyi düşünün.

Milli.Az