Texnologiya

Ən ucuz kompüterdə sensor olacaq

26 Oktyabr 2014 15:17

0 Şərh Baxış: 1 962

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #TECHCRUNCH

Raspberry Pi mini-kompüterinin satışları artmaqda davam edir. Bu arada Kembricin Raspberry Pi Foundation qeyri-kommersiya təşkilatı biznesini genişləndirməklə mini-kompüterə qoşulmaq üçün sensor displey və Paspbarry Pi A+ adlı təkmilləşdirilmiş model buraxıb.

Milli.Az ICTnews-a istinadən bildirir ki, yeni qurğular Londonda keçirilən TechCrunch Disput Europe konfransı çərçivəsində nümayiş olunub. Raspberry Pi-ın mövcud versiyasından qurğu həvəskarları tərəfindən rəngarəng konstruksiyalı müxtəlif işlər üçün istifadə olunur. Bəziləri hətta kompüter əsasında planşetlər də yaradıb. Yeni sensorlu displeylə bu, daha da sadələşəcək. Belə ki, uyğunluq problemi aradan qalxacaq.

Yeni aksessuar WVGA təsvir ölçüsünə malik 7 düymlük sensor paneldir. Displeyin növbəti ilin əvvəlində satışa çıxarılacağı gözlənilir.

Təkmilləşdirilmiş Paspbarry Pi A+ versiyası barədə məlumat azdır. Şirkət rəhbəri onun tezliklə satışa çıxarılacağını və əlavə təqdimatının olacağını bildirib.

Qeyd edək ki, qutu şəklində olan, en və uzunluq ölçüsünə görə vizit kartından böyük olmayan Raspberry Pi - birplatalı kompüter olmaqla 700 MQhz tezliyində işləyən ARM1176JZF-S prosessor, Full HD təsvir ölçüsünü dəstəkləyən VideoCore IV videosürətləndirici və 256 MB operativ yaddaşa malik Broadcom BCM2835 çip üzərində sistem (SoC) ilə yığılıb. Qurğu monitora qoşulmaq üçün videoçıxış və HDMI, eləcə də qulaqcıq və ya masaüstü audiosistemin bağlanması üçün 3,5 mm çıxışla təchiz edilib.

Kompüter uşaqlar üçün proqramlaşdırmanın tədrisi məqsədilə nəzərdə tutulsa da, digər sahələrdə populyarlıq qazanıb və onun əsasında media mərkəzləri hazırlanıb.

Raspberry Pi mini-kompüter modelinin satış həcmi artıq 3,8 milyon ədədi ötüb.

Milli.Az