Texnologiya

Yazılan mesajlar yoxa çıxacaq - “WhatsApp”dan YENİ FUNKSİYA

6 İyun 2026 00:25
Baxış: 3 663
VTB-də minimal faiz dərəcəsi ilə nağd kredit 9.9%-dən
#WHATSAPP

"WhatsApp" mətn mesajları üçün birdəfəlik baxış funksiyasının tətbiqi üzərində işləyir.

Milli.Az xəbər verir ki, birdəfəlik baxış funksiyası göndərilən mesajın yalnız bir dəfə açılmasına imkan verəcək. Mesaj oxunduqdan sonra isə avtomatik olaraq yox olacaq.

Məlumata görə, bu yenilik istifadəçilərə göndərdikləri məlumatların qarşı tərəfin cihazında nə qədər müddət saxlanılmasına daha çox nəzarət imkanı verəcək. Bundan əlavə, birdəfəlik baxış funksiyası media fayllarını qoruyaraq onların yaddaşa köçürülməsinin, yönləndirilməsinin və ya saxlanılmasının qarşısını almağa kömək edəcək.

Funksiyanın çat pəncərəsindəki xüsusi düymə vasitəsilə aktivləşdiriləcəyi bildirilir. Hazırda yeniliyin tətbiq üzərində sınaqdan keçirildiyi qeyd olunur.

Hazırda "WhatsApp"da birdəfəlik baxış funksiyası yalnız fotoşəkillər, videolar və səsli mesajlar üçün mövcuddur.

Məlumata görə, eyni funksiyanın mətn mesajlarına da tətbiq edilməsi üzərində iş aparılır. Yenilik hələlik hazırlanma mərhələsindədir və gələcəkdə Android əməliyyat sistemi üçün nəzərdə tutulan yeniləmələrdən birində istifadəyə verilə bilər. (lent.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.