Texnologiya

Samsung həmin modellər üçün dəstəyi dayandırdı

6 Fevral 2026 05:05

Baxış: 1 892

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #MOBİL TELEFON #SAMSUNG C&T CORP

Samsung artıq Galaxy S21 seriyasına proqram təminatı və müntəzəm təhlükəsizlik yeniləmələri təqdim etməyəcək.

Milli.Az xəbər verir ki, Samsung-un 2026-cı ilin fevral ayı üçün açıqladığı təhlükəsizlik yeniləmələri siyahısında Galaxy S21, Galaxy S21+ və Galaxy S21 Ultra modellərinin yer almaması bu cihazların artıq adi təhlükəsizlik yamaları da daxil olmaqla yeniləmə almayacağını göstərir. Yalnız kritik və təcili təhlükəsizlik boşluqları aşkar edilərsə, istisna hal kimi yeniləmə yayımlana bilər.

Qeyd edək ki, 2021-ci ildə satışa çıxarılan Galaxy S21 seriyası son əsas yeniləməsini 2025-ci ilin birinci yarısında - Android 15 əsaslı One UI 7 versiyası ilə əldə edib. Seriya üçün son təhlükəsizlik yeniləməsi isə 2025-ci ilin noyabrında təqdim olunub.

Samsung Galaxy S21 modellərinə aşağıdakı əsas Android yeniləmələrini təqdim edib:

Android 12 (One UI 4) - 2021-ci ilin noyabrı

Android 13 (One UI 5) - 2022-ci ilin noyabrı

Android 14 (One UI 6) - 2023-cü ilin dekabrı

Android 15 (One UI 7) - 2025-ci ilin mayı

Beləliklə, Galaxy S21 seriyası üçün proqram təminatı dəstəyi rəsmi olaraq başa çatmış hesab olunur.

Fidan
Milli.Az