Texnologiya

Bu üsulla elektrik xərcini 2 qat azaldın

3 Fevral 2026 15:26
Baxış: 1 992
VTB-də minimal faiz dərəcəsi ilə nağd kredit 9.9%-dən
#MARAQLI #TEXNOLOGİYA

Məişətdə istifadə etdiyimiz bir çox elektron cihazı söndürdüyümüzü düşünsək də, onlar "gözləmə" (standby) rejimində enerji sərf etməyə davam edirlər. Mütəxəssislər bu cihazları "vampir cihazlar" adlandırırlar.

Milli.Az xəbər verir ki, televizor, oyun konsolu, mikrodalğalı soba və ya qəhvə maşını kimi cihazlar pultla və ya düymə ilə söndürülsə də, əgər naqil elektrik yuvasındadırsa (rozetka), daxili dövrələr və kiçik LED işıqlar enerji çəkməyə davam edir. Bu "gizli" istehlak ay sonunda faturanın əhəmiyyətli hissəsini təşkil edə bilər.

Çoxumuz telefonu şarjdan çıxardıqdan sonra "adapteri" rozetkada saxlayırıq. "Adapter" telefona bağlı olmasa belə, daxilindəki transformator işləməyə davam edir və cüzi də olsa enerji sərf edir. Evdəki bütün adapterlərin (telefon, planşet, noutbuk) daimi "rozetkada" qalması elektrik xərcini süni şəkildə artırır.

Modemlər il boyu 24 saat fasiləsiz işləyən nadir cihazlardandır. Gecə istifadə olunmadığı saatlarda modemi açıq saxlamaq həm enerji itkisidir, həm də cihazın ömrünü qısaldır.
Müasir televizorlar və oyun konsolları sürətli açılma üçün "hazır vəziyyətdə" qalırlar. Bu rejim cihazın sanki tam işləyirmiş kimi enerji sərf etməsinə səbəb olur.

Bütün cihazları tək-tək çıxarmaq çətindirsə, düyməli uzadıcı (setevoy) alın və yatmazdan əvvəl tək bir düymə ilə bütün enerjini kəsin. İşiniz bitən kimi şarj cihazlarını çıxarın.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.