Texnologiya

Nömrəsini bilmədiyiniz adamla "WhatsApp"da yazışmaq mümkün olacaq

1 Sentyabr 2025 13:10

Baxış: 3 585

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #WHATSAPP #SOSİAL ŞƏBƏKƏLƏR #NÖMRƏSİNİ BİLMƏDİYİNİZ ADAMLA DA WHATSAPPDA YAZIŞMAQ MÜMKÜN OLACAQ

Populyar mesajlaşma şəbəkəsi "WhatsApp" yenilik edib.

Milli.Az xəbər verir ki, "WhatsApp" istifadəçilərə telefon nömrəsi paylaşmadan əlaqə yaratmağa imkan verən "istifadəçi adı" funksiyasını sınaqdan keçirir.

Bu yeni xüsusiyyət sayəsində istifadəçilər digər sosial media platformalarında olduğu kimi unikal istifadəçi adı təyin edərək istədikləri şəxsi axtarıb birbaşa mesajlaşa biləcəklər.

Beta versiyada istifadəçilər söhbətlər bölməsindəki axtarış hissəsinə istifadəçi adını daxil etməklə şəxsi tapa biləcək. Əgər qarşı tərəf profil şəklini hər kəs üçün açıq etsə, fotoşəkillər axtarış nəticələrində görünəcək. Tapılan hesabla standart WhatsApp funksiyaları həyata keçirilə biləcək.

Xüsusiyyətin işləməsi üçün istifadəçi adlarının unikal olması, müəyyən uzunluqda olması və ən az bir hərf ehtiva etməsi tələb olunur. Saxta hesabların qarşısını almaq üçün xüsusi formatlama qaydaları tətbiq ediləcək. Yeni sistem həm də qlobal ölçüdə axtarışa imkan verəcək, yəni istifadəçi yalnız şəxsi kontaktlarında deyil, başqa ölkələrdəki istifadəçiləri də tapıb əlaqə qura biləcək.

"WhatsApp" bu yeniliklə birlikdə spam və sui-istifadənin qarşısını almaq üçün təhlükəsizlik tədbirləri görəcək. Şübhəli davranış göstərən, ardıcıl olaraq fərqli istifadəçi adlarına mesaj göndərib şikayət alan hesablar mövcud Xidmət Şərtləri çərçivəsində məhdudlaşdırıla və ya bloklana bilər. Hələlik bu funksiyanın bütün istifadəçilərə nə vaxt açılacağı məlum deyil.

İsmayıl
Milli.Az