Texnologiya

“Instagram”da məkan paylaşımını necə söndürmək olar?

28 İyul 2025 16:00

Baxış: 875

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"Instagram"ın yeni "Friend Map" funksiyası real vaxtda məkan paylaşımını avtomatik aktiv edir və bu, istifadəçilərin fərqində olmadan da yer məlumatlarını bölüşməsinə səbəb ola bilər.

Milli.Az xəbər verir ki, xüsusilə hekayələr, canlı yayımlar və postlar zamanı bu məlumatlar sistemlə paylaşıla bilər. Məxfiliyinizi qorumaq üçün bu funksiyanı deaktiv etməyiniz tövsiyə olunur.

Məkan paylaşımını söndürmək üçün bu addımları izləyin:

1. "Instagram" tətbiqini açın.
2. Profilinizə keçin və yuxarı sağ küncdəki üç xətt (≡) işarəsinə toxunun.
3. Parametrlər və fəaliyyətlər bölməsini seçin.
4. Məzmununuzu kim görə bilər? menyusuna daxil olun.
5. Hekayə, canlı yayım və məkan bölməsinə keçin.
6. Məkan paylaşımı seçiminə toxunun.
7. Ayarları açın düyməsini seçin.
8. Açılan menyudan "Heç vaxt" variantını işarələyin.
Bu dəyişiklikdən sonra "Instagram" artıq sizin yerinizi avtomatik paylaşmayacaq.
Qeyd edək ki, məxfiliyinizi təmin etmək üçün bu ayarı mütəmadi yoxlamağınız tövsiyə olunur.

İlqar Şabanov
Milli.Az