Texnologiya

Bu yeni messencer internetsiz işləyir

9 İyul 2025 18:00
Baxış: 1 146
VTB-də minimal faiz dərəcəsi ilə nağd kredit 9.9%-dən
#MARAQLI #TEXNOLOGİYA #İNTERNET #SOSİAL ŞƏBƏKƏLƏR

Tvitterin təsisçisi Cek Dorsi internetə ehtiyac duymadan işləyə bilən mesajlaşma proqramı yaradıb.

Milli.Az xəbər verir ki, tətbiq yalnız blutuz şəbəkəsi ilə işləyir.

"Bitchat" adlı mərkəzsizləşdirilmiş tətbiq hazırda beta test mərhələsindədir. Mesajlaşmaq üçün istifadəçilərdən nə telefon nömrəsi, nə də e-poçt tələb olunur.

"Bitchat" messenceri yaxınlıqdakı cihazlar arasında əlaqə quraraq mesajlaşmaq imkanı verir. Tətbiq blutuz vasitəsilə lokal klasterlər yaradır və mesajları cihazdan cihaza ötürərək standart məsafədən daha uzağa çatdırır.

Mesajlar yalnız istifadəçilərin cihazlarında saxlanılır, mərkəzləşdirilmiş serverlərdə qeyd olunmur. Bu xüsusiyyətlər sayəsində messencer senzura və izləmədən qorunan məxfi ünsiyyət təklif edir.

Dorsi layihəni şəxsi bir eksperiment adlandırıb və bildirib ki, bu işdə "Bluetooth Mesh" şəbəkələri, retranslyasiya və mesajların saxlanması və göndərilməsi modelləri, şifrələmə üsulları və bir sıra digər texnologiyalar üzərində işləyib. /axsam.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.