Texnologiya

“Wi-Fi” problemlərini həll etmək üçün 5 sadə, lakin effektiv məsləhət

25 İyun 2025 15:23

Baxış: 2 141

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"Wi-Fi" problemləri sizi bezdiribsə, dərhal yeni avadanlıq axtarmağa ehtiyac yoxdur.

Milli.Az xəbər verir ki, sadə dəyişikliklərlə vəziyyəti xeyli yaxşılaşdırmaq mümkündür - sadəcə bu 5 tövsiyəyə əməl edin.

1. Mərkəzi yer seçin

Routeri evin və ya ofisin ortasında yerləşdirin. Belə olduqda, siqnal hər tərəfə bərabər yayılır. Divar arxasında və ya küncdə yerləşdirilən router zəif siqnal və "ölü zonalar" yarada bilər.

2. Yüksəyə qaldırın

Routeri yerə deyil, hündür rəf və ya divara quraşdırmaq daha yaxşıdır. Yüksəkdə olduqda siqnal mebel və digər əşyalara az ilişir, daha geniş əraziyə yayılır.

3. Elektron cihazlardan uzaq tutun

Mikrodalğalı soba, simsiz telefon, "Bluetooth" cihazları routerə mane ola bilər. Ona görə də marşrutlaşdırıcını bu cihazlardan uzaqda yerləşdirmək vacibdir.

4. Metal və güzgülərə diqqət edin

Böyük metal əşyalar və güzgülər "Wi-Fi" siqnallarını əks etdirərək, siqnalı səpələyə və zəiflədə bilər. Routeri bu səthlərdən uzaq yerləşdirmək daha sabit bağlantı təmin edir.

5. Antenaları tənzimləyin

Routerinizdə antena varsa, onları müxtəlif bucaqlarda yerləşdirin. Məsələn, birini şaquli, digərini üfüqi tutaraq həm yuxarı-aşağı, həm də yanlara siqnalın yayılmasını təmin edə bilərsiniz.

İlqar Şabanov
Milli.Az