Texnologiya

"iPhone" işlədənlərə şad xəbər - "iOS 18.3" - ÖZƏLLİKLƏRİ

4 Fevral 2025 15:00

Baxış: 1 440

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"Apple" bu günlərdə yeni "iOS 18.3" yeniləməsini istifadəyə verdi. Bu yeniləmə yalnız yeni funksiyalarla deyil, həm də bir çox mühüm təhlükəsizlik düzəlişləri ilə istifadəçilərin həyatını asanlaşdırır.

Milli.Az xəbər verir ki, "Apple" "iOS 18.3" yeniləməsi ilə "Apple Intelligence" xüsusiyyətini dəstəkləyən cihazlarda avtomatik olaraq aktivləşdirib. Bu xüsusiyyət iPhone 15 Pro və daha yeni modellərdə, həmçinin Apple Silicon M1 və daha yüksək çipli iPad və Mac cihazlarında istifadə oluna bilər.

"Apple Intelligence" istifadəçi təcrübəsini süni intellektlə dəstəklənən bildiriş xülasələri, vizual intellekt və mətn redaktəsi kimi yeni funksiyalarla zənginləşdirir. Apple Intelligence xüsusiyyətini deaktiv etmək istəyən istifadəçilər Ayarlar> Apple Intelligence və Siri menyusundan bu funksiyanı asanlıqla söndürə bilərlər.

Süni intellektlə hazırlanan bildiriş xülasələrində bəzən düzgünlük problemləri yaranması səbəbindən "Apple" bu xüsusiyyəti xəbər və əyləncə kateqoriyalarında müvəqqəti olaraq deaktiv edib. Xülasə edilən bildirişlər italik yazı tipi ilə və "Apple Intelligence tərəfindən xülasə edilib" qeydi ilə digər bildirişlərdən fərqlənir. Həmçinin, istifadəçilər bildiriş mərkəzi və ya kilid ekranı üzərindən müəyyən tətbiqlər üçün bu funksiyanı söndürə bilərlər.

"Apple Intelligence" vizual intellekti bir addım irəli apararaq posterlərdən və broşuralardan tədbir məlumatlarını tanıyaraq Takvim tətbiqinə əlavə edə bilir. Bundan əlavə kamera vasitəsilə bitki və heyvan növlərini tanımaq kimi praktiki xüsusiyyətlər təqdim edir. Bu funksiyalar xüsusilə iPhone 16 və iPhone 15 Pro modellərində aktiv istifadə oluna bilər.

Aysel Əkbər
Milli.Az