Texnologiya

TikTok-da QADAĞA - bu filterlərdən istifadə mümkün olmayacaq

28 Noyabr 2024 07:15
Baxış: 1 755
VTB-də minimal faiz dərəcəsi ilə nağd kredit 9.9%-dən
#TİKTOK

TikTok 18 yaşdan kiçik gənclərə gözlərini süni şəkildə böyütməyi, dodaqlarını dartmağı, dəri tonunu yumşaltmağı və ya dəyişməyi qadağan edəcək.

Milli.Az axşam.az-a istinadən bildirir ki, şirkət bu dəyişiklikləri Dublindəki Avropa qərargahında keçirilən təhlükəsizlik forumunda açıqlayıb.

Məhdudiyyətlər üz cizgilərini makiyajın edə bilməyəcəyi şəkildə dəyişdirən "Bold Glamour" kimi filtrlərə şamil ediləcək. 

Buna səbəb uşaqların psixi sağlamlığı ilə bağlı narahatlıqlar olub. Mütəxəssislərin fikrincə, gözəllik filtrləri internetdə mükəmməl görüntüyə alışmış gənclərin, xüsusən də qızların öz real görünüşü haqqında mənfi düşünməsinə səbəb olur. Bəzi gənclər filtrlərdən istifadə etdikdən sonra əsl üzlərinin onlara çirkin göründüyünü bildiriblər.

TikTok həmçinin 13 yaşdan kiçik istifadəçilərin bloklanması sistemini sərtləşdirdiyini açıqlayıb. İlin sonuna kimi şirkət yaş məhdudiyyətlərini pozan insanları aşkar etmək üçün yeni avtomatlaşdırılmış sistemləri sınaqdan keçirməyə başlayacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.