Texnologiya

Müxtəlif qiymətli 3 ən yaxşı telefon

30 Noyabr 2023 23:25

Baxış: 10 333

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #MOBİL TELEFON

Müxtəlif qiymətli 3 ən yaxşı telefon açıqlanıb.

Milli.Az lent.az-a istinadən xəbər verir ki, bu barədə "FRAndroid" portalı məlumat yayıb.

Məlumata görə, bunlardan biri "Samsung Galaxy S 23 Ultra" smartfonudur. Bu mobil cihaz ilin ən yaxşı telefonu seçilib. Qurğu öz texniki xüsusiyyətləri ilə istifadəçiləri heyran edir. Smartfon "overclock" edilmiş "Qualcomm Snapdragon 8 Gen 2" çipi, 1-dən 120 Hz-ə qədər dəyişən yeniləmə tezliyinə malik yüksək keyfiyyətli 6,8 düymlük Dynamic AMOLED displeyə də malikdir.

Yüksək keyfiyyətli kamera, S-Pen dəstəyi və uzun batareya ömrünə xüsusi diqqət yetirilir. Bildirilir ki, "Galaxy S23 Ultra"nın yeganə çatışmazlığı onun yüksək qiymətidir.

Pul baxımından ən sərfəli telefon isə "Samsung Galaxy A 54"dir. Cihaz yüksək keyfiyyətli ekran, uzun batareya ömrü və dörd illik proqram yeniləmələri təklif edir. Əsas çatışmazlıq 25 Vt-lıq yavaş doldurulmadır.

"Redmi Note 12" 5G 2023-cü ilin ən sərfəli smartfonlarından biri seçilib. O, əla OLED displeyinə, seqmentinə görə kifayət qədər yüksək performansa və əla batareya ömrünə malikdir. Telefonda MIUI proqram təminatı cihazın əsas çatışmazlığı hesab olunur.

Milli.Az
Xəbərlərimizi WhatsApp kanalımızdan da oxuyun